Hałoŭnaha redaktara haziety «Naša Niva» vyklikali ŭ KDB i papiaredzili ab adkaznaści za razhałošvańnie materyjałaŭ śledstva pa spravie ab terakcie 11 krasavika.
* * *
«Dla apytańnia pa pytańniach, jakija ŭjaŭlajuć cikavaść dla biaśpieki Respubliki Biełaruś» —
tak vyklik abhruntavany ŭ poźvie. Pozva była vypisana na paniadziełak, 18.30. Za apošnija čatyry miesiacy heta ŭžo siomaja sustreča «Našaj Nivy» z KDB — da hetaha prajšli čatyry vobšuki, vymańnie techniki, adzin dopyt i adno naviedvańnie dla vymańnia fota- i videamateryjałaŭ. Ciažka ŭjavić sabie, kab u takim režymie pracavała niejkaje vydańnie ŭ luboj inšaj jeŭrapiejskaj krainie.
Papiarednija vykliki byli ŭ ramkach rasśledavańnia palityčna matyvavanaj spravy ab Płoščy.
«Naša Niva» zabiaśpiečyła adno z samych poŭnych aśviatleńniaŭ padziej 19 śniežnia i 11 krasavika.
