A dla vybuchu ŭ mietro vykarystali rečyva, jakomu amal niama anałahaŭ u śviecie.

Vadzim Zajcaŭ paviedamiŭ, što paćvierdziłasia adna ź viersij, jakija vykazali jašče ŭčora, što

terakt u minskim mietro ździejśniŭ niezdarovy čałaviek, mahčyma, dla realizacyi [chvorych] asabistych ambicyj.

Ciapier małady čałaviek, jaki padazrajecca ŭ ździajśnieńni teraktu, zatrymany, zatrymany i jaho dvoje [mierkavanych] saŭdzielnikaŭ. Adnak Vadzim Zajcaŭ adznačyŭ, što jany mahli nie prymać pramoha ŭdziełu ŭ ździajśnieńni złačynstva. Stupień ich udziełu vyznačyć śledstva. Vyśvietlena suviaź pamiž vybuchami ŭ Viciebsku ŭ 2005, u Minsku ŭ lipieni 2008-ha i ŭ krasaviku 2011.

Adkazvajučy na pytańnie ab tym, z čaho była vyrablena vybuchoŭka, staršynia KDB skazaŭ, što ŭ joj vykarystoŭvałasia asablivaje vybuchovaje rečyva. Heta rečyva vykarystoŭvałasia i ŭ Minsku ŭ lipieni 2008 hoda. Pa słovach Zajcava,

jano maje intares dla ekśpiertaŭ zamiežnych śpiecsłužb, bo anałahaŭ takoha rečyva nie isnuje amal nidzie ŭ śviecie.

Pry vybuchu ŭ minskim mietro vykarystoŭvałasia kanfihuracyja hetaha ŭnikalnaha vybuchovaha rečyva. Pa słovach staršyni KDB,

dastatkova niekalkich hram, kab pry vyrabie bomby čałavieku adarvała kiści ruk.

Dla paraŭnańnia: padčas terakta ŭ Minsku 3 lipienia 2008 ahulnaja masa vybuchovaha rečyva skłała amal 1 kh. Pa viersii śledstva, vykanaŭca teraktu atrymaŭ rečyva dziakujučy internetu.

Vadzim Zajcaŭ admoviŭsia paviedamlać pra matyvy złačynstva, spasłaŭšysia na śledčyja dziejańni, jakija praciahvajucca.

Staršynia KDB prainfarmavaŭ, što padazravanyja byli zatrymany nadta chutka, i ŭ hetym vialikaje dasiahnieńnie biełaruskich pravaachoŭnikaŭ, bo

paśla ich zatrymańnia vyśvietliłasia, što «jany płanavali inšyja dziejańni, jakija nie dazvolili b raskryć złačynstva».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?