Viečaram 12 krasavika ź minskich balnic vypisana dzieviać paciarpiełych ad vybuchu ŭ staličnym mietro, u tym liku dzicia 2009 hoda naradžeńnia.

Jak paviedamlaje sajt Ministerstva achovy zdaroŭja, pa stanie na 19.00 12 krasavika pa miedycynskuju dapamohu źviarnułasia 193 čałavieki, ź ich špitalavana — 165. Na praciahu ŭčarašniaha dnia ŭ stacyjanary pastupiła jašče siem čałaviek.

Ciapier u lačebnych ustanovach znachodziacca 155 čałaviek. Ź ich u ciažkim stanie — 32, u stanie siaredniaj stupieni ciažkaści — 83, lohkim — 40. Usie pacyjenty atrymlivajuć nieabchodnuju miedycynskuju dapamohu ŭ poŭnym abjomie. U načny čas u balnicach uzmocnieny bryhady dziažurnych uračoŭ.

Ministerstva achovy zdaroŭja paviedamlaje, što va ŭsich lačebnych ustanovach jość dastatkovy zapas pieraviazačnaha materyjału i miedykamientaŭ. Akramia hetaha, arhanizavana kruhłasutačnaje dziažurstva piersanału na aptečnych składach dla apieratyŭnaha papaŭnieńnia balnic nieabchodnymi lekavymi srodkami. Zabiaśpiečvajecca psichałahičnaja padtrymka paciarpiełych i ich blizkich.

Dla atrymańnia infarmacyi pra stan paciarpiełych praciahvajuć pracu telefony haračaj linii: (017) 233-92-69; (017) 294-23-71; 103.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?