MZS Biełarusi aburana vykazvańniami AAN nakont prysutnaści biełaruskich najomnikaŭ u Livii 1

Publikacyi sa spasyłkaj na ekśpiertaŭ AAN, jakija zajaŭlajuć pra «najaŭnaść u Livii biełaruskich najmitaŭ», i srodki masavaj infarmacyi, što raspaŭsiudžvajuć takija zajavy, nie zasłuhoŭvajuć davieru.

Pra heta havorycca ŭ kamientaryi pres-sakratara MZS Biełarusi Andreja Savinych 9 krasavika adnosna źjaŭleńnia infarmacyi ab zajavie rabočaj hrupy AAN pa pytańniach najomnictva.

«U suviazi z hetym varta nahadać hałasłoŭnyja abvinavačańni ŭ pastaŭkach bajavych viertalotaŭ u Kot-dJIvuar, jakija zakončylisia aficyjnymi prabačeńniami słužbovych asob AAN na adras Biełarusi», — adznačyŭ pres-sakratar MZS.

«

My zapatrabujem aficyjnaha rasśledavańnia ŭ AAN u suviazi z hetaj situacyjaj», — dadaŭ Savinych.

Jon taksama adznačyŭ, što Biełaruś razhladaje AAN u jakaści klučavoha instrumienta kanstruktyŭnaha ŭzajemadziejańnia dziaržaŭ u intaresach miru i ŭstojlivaha raźvićcia. «Lubyja dziejańni, skiravanyja na zakulisnaje manipulavańnie hramadskaj dumkaj pad prykryćciom aŭtarytetu AAN, niedapuščalnyja», — padkreśliŭ pres-sakratar biełaruskaha źniešniepalityčnaha viedamstva.

Jak paviedamlałasia raniej, u zajavie rabočaj hrupy AAN pa pytańniach najomnictva, jakaja była raspaŭsiudžana 8 krasavika pavodle vynikaŭ pasiadžeńnia 12-j siesii ŭ Ženievie, vykazvajecca zaniepakojenaść vykarystańniem najmitaŭ u Livii i Kot-dJIvuary. «Pytańnie vykarystańnia najmitaŭ usio jašče vielmi aktualnaje, — skazaŭ hałoŭny dakładčyk hrupy Chase Łuis Homiez del Prada. — Najmity vykarystoŭvajucca jak srodak, jaki pieraškadžaje ludziam u ich samavyznačeńni. My asabliva zaniepakojeny paviedamleńniami ab tym, što najmity ŭciahnuty ŭ situacyi, kali surjozna parušajucca pravy čałavieka».

U telefonnym intervju Asašyejted Pras Prada adznačyŭ: «My praviali analiz infarmacyi, jakuju atrymlivajem z roznych krynic, i źviestki ŭkazvajuć na toje, što Kadafi karystajecca pasłuhami najmitaŭ u baraćbie suprać nasielnictva Livii». Pavodle jaho słoŭ, adznačaje AP, mnohija najmity źjaŭlajucca vychadcami z krain Paŭnočnaj Afryki,

ale niekatoryja, jak miarkujuć, prybyvajuć ź Biełarusi.

Nahadajem, raniej MZS i Minabarony Biełarusi abviarhali infarmacyju ab najaŭnaści ŭ Livii biełaruskich vajennych. U Livii znachodzicca tolki adzin vajennasłužačy — vajenny ataše ŭ składzie pasolstva Respubliki Biełaruś, udakładniła vajennaje viedamstva.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH