«Sučaśnik» puściać z małatka razam z klonami 2

Były minski kinateatar «Sučaśnik» vystaŭleny UP «Kinavideaprakat» na aŭkcyjon. Na paŭtornym aŭkcyjonie, jaki projdzie 12 krasavika, pačatkovaja cana za hety budynak składzie 1,65 młrd rubloŭ.

U košt uvachodziać taksama płata za prava zaklučeńnia 5-hadovaj damovy arendy ziamielnaha ŭčastka i za piać klonaŭ na prylehłym učastku.

Miarkujecca, što patencyjny pakupnik pieratvoryć budynak 1971 hoda pabudovy ŭ fizkulturna-spartyŭny i kulturna-zabaŭlalny centr. Pry hetym umovaj z boku pradaŭca źjaŭlajecca zachavańnie hladackaj zały.

Na hetym ža aŭkcyjonie Minski haradski terytaryjalny fond dziaržaŭnaj majomaści vystaŭlaje jašče 6 łotaŭ. Ahulny pačatkovy košt usich abjektaŭ pieravyšaje 23 młrd rubloŭ.

Najbujniejšyja z prapanavanych abjektaŭ — niedabudavany aŭtacentr chutkaj miedycynskaj dapamohi na vulicy P. Broŭki (z pravam arendy ziamielnaha ŭčastka cana — 8,9 młrd rubloŭ) i jašče adna «niedabudoŭka» — budynak daačystki Minskaj stancyi aeracyi (8,5 młrd rubloŭ).

ej.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH