A. Łukašenka daručyŭ pierahledzieć paradak farmavańnia čarhi tych, chto maje patrebu ŭ palapšeńni žyllovych umovaŭ u Minsku, bo ličyć niespraviadlivym, kali ŭ adnoj čarzie znachodziacca tyja, chto nie maje nijakaha žylla, i tyja, chto krychu nie daciahvaje da narmatyvu ŭ 15 kv.m na čałavieka.
«… Treba prymać kardynalnaje rašeńnie. I heta pytańnie nie ŭrada, treba terminova ich pieradać na ŭzrovień vykankamaŭ, kab jany, zychodziačy z ułasnaha biudžetu, pierśpiektyvaŭ, vyznačali, kolki kvadratnych mietraŭ na brata pavinna być… Liču, pravilna ci niapravilna my zrabili, moža, paśpiašalisia — 15 m, ale heta niespraviadliva: čałaviek staić u čarzie 7 hadoŭ i ničoha nie maje, i čałaviek, jaki žyvie i 14, 13 ci 10 kvadratnych mietraŭ na brata maje. Roźnica ž jość», — skazaŭ Łukašenka.
«Pa čarzie treba vyznačycca, bo my biaskonca budziem mieć vializnuju čarhu ŭ Minsku», — padsumavaŭ jon.
Pa słovach mera Minska Mikałaja Ładućki, u ciapierašni čas čarha čarhi tych, chto maje patrebu ŭ palapšeńni žyllovych umovaŭ u stalicy, składaje kala 280 tys. čałaviek. Pry hetym kala 60 tys. ź ich nie majuć va ŭłasnaści nijakaha žylla.
