Pra heta papiaredzili ŭłady Jeŭrasajuza. ZŠA zabaraniła svaim słužačym naviedvańnie 80-kiłamietrovaj zony.

Jeŭrasajuz u bližejšyja hadziny čakaje mahčymyja «katastrafičnyja padziei» na AES «Fukusima-1». Pra heta zajavili adkaznyja asoby ŭ Jeŭrakamisii.

«Situacyja vychodzić z pad kantrolu. U bližejšyja hadziny tam mohuć adbycca katastrafičnyja padziei, jakija mohuć ujaŭlać niebiaśpieku dla žyćcia ludziej na vostravie», — skazaŭ jeŭrakamisar pa pytańniach enierhietyki Etynhier u sieradu.

Raniej Etynhier nazyvaŭ toje, što adbyvajecca na AES u Fukusimie, «apakalipsisam».

Rasija vyvozić ź Japonii siamji supracoŭnikaŭ rasijskich ustanoŭ, ale dypłamaty pakul zastajucca ŭ Tokia. Mnohija inšyja krainy zajavili ab evakuacyi svaich hramadzian ź Japonii.

Zamiežnyja bankiry źjazdžajuć z Tokio na fonie ŭzrastańnia radyjacyjnaj pahrozy.

Pientahon zajaviŭ ab tym, što vajennasłužačym armii ZŠA zabaraniajecca naviedvańnie zony ŭ radyusie 50 mil (80 km) ad AES «Fukusima-1»
bieź śpiecyjalnych srodkaŭ abarony.

Japonskija ŭłady pryniali rašeńnie pavysić hranična dapuščalnuju dozu radyjacyi dla supracoŭnikaŭ jadziernych abjektaŭ u 2,5 razu ŭ suviazi z krajniaj nieabchodnaściu praduchileńnia kryzisu na AES krainy.

Situacyja na japonskich AES praciahvaje zastavacca krytyčnaj. Śpiecyjalisty miarkujuć, što

razbureńnie mietaličnych abałonak reaktaraŭ i vykid vialikich abjomaŭ radyjeaktyŭnych rečyvaŭ stali niepaźbiežnaściu.

Pavodle apošnich źviestak japonskaha ahienctva Kyodo, na čatyroch z šaści enierhabłokaŭ Fukusimy-1 pačałosia płaŭleńnie stryžniaŭ reaktaraŭ.

U enierhabłoku № 1 stryžni raspłavilisia ŭžo na 70%, u druhim — na 33%.

Stryžni reaktara treciaha enierhabłoka častkova raspłavilisia, dakładnych dadzienych ab surjoznaści paškodžańniaŭ niama. Taksama niama infarmacyi ab stupieni razbureńnia radyjacyjnych materyjałaŭ u čaćviortym enierhabłoku, paviedamlajecca tolki, što stryžni reaktara aholenyja, u reaktar ​​padajecca marskaja vada dla astudžeńnia.

Usie budynki čatyroch enierhabłokaŭ u toj ci inšaj stupieni razburany vybuchami, nad imi padymajecca radyjeaktyŭnaja para, nazirajecca vyłučeńnie vadarodu.

Na enierhabłokach № 5 i № 6 AES situacyja stabilnaja, paviedamlajuć ułady. Adnak na ich terytoryi zaŭvažana pavyšeńnie tempieratury.

Niahledziačy na śmiarotnuju ryzyku dla žyćcia, 180 japonskich inžynieraŭ i technikaŭ zastajucca na stancyi i praciahvajuć rabić usio mahčymaje i niemahčymaje dla achałodžvańnia reaktaraŭ i chacia b minimizacyi nastupstvaŭ katastrofy. Uzrovień radyjacyi na Fukusimie składaŭ u sieradu kala 400 miliziviertaŭ za hadzinu, tady jak narmalnaja hadavaja doza dla čałavieka składaje 3 milizivierty ŭ hod.

Japonii sudzicca stać achviaraj druhoha Čarnobyla — praz vuścišnuju nieabačlivaść ludziej.

Mahutny Boža, barani Japoniju…

Trymajciesia, japoncy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?