Arcybiskup Tadevuš Kandrusievič, mitrapalit Minska-Mahiloŭski vykazaŭ spačuvańni japonskamu narodu, «jaki vielmi mužna, sa spakojem i razvažlivaściu zmahajecca sa stychijaj».

Jak adznačyŭ mitrapalit u zvarocie da viernikaŭ, «Biełaruś, jakaja 25 hadoŭ tamu daviedałasia horyč čarnobylskaj katastrofy, vielmi dobra razumieje situacyju, u jakoj apynułasia Japonija paśla žudasnaha ziemlatrusy i cunami, a taksama vyklikanych hetymi kataklizmami prablem na atamnych elektrastancyjach».

Na dumku Kandrusieviča, situacyja, u jakoj apynułasia jadziernaja enierhietyka Japonii, nahadvaje ab tym, što

čałaviek, niahledziačy na ŭražlivyja dasiahnieńni ŭ navucy i technicy, nie zaŭsiody moža kiravać tym, što sam stvaryŭ. «Stvareńni jaho rozumu vychodzić z-pad kantrolu taho ž rozumu, što jašče raz nahadvaje ab adviečnaj praŭdzie: tolki Boh źjaŭlajecca vaładarom śvietu»
, — padkreślivajecca ŭ zvarocie.

Uśviedamlajučy maštaby niebiaśpieki, jakaja pahražaje śvietu, i kirujučysia idejaj miłasernaści i salidarnaści ź japonskim narodam, jaki pieražyvaje trahiedyju, arcybiskup zaklikaŭ da malitvy za achviar kataklizmu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?