Novuju kandytarskuju fabryku płanujecca pabudavać u Biełarusi, paviedamiŭ staršynia kancerna «Biełdziaržcharčpram» Ivan Dančanka. Praca kancerna pa vychadu na dadatnaje salda źniešniaha handlu, pa pryciahnieńniu inviestycyj razhladałasia 16 sakavika na pasiadžeńni Prezidyuma Saŭmina.

Pavodle słoŭ Ivana Dančanki, rašeńnie ab vybary inviestara dla realizacyi prajekta pakul nie pryniata. Biełaruski bok viadzie pieramovy ab pryciahnieńni da budaŭnictva kandytarskaj fabryki z ukrainskim «Rašenam», finskimi, niamieckimi kampanijami.

Na dumku kiraŭnika kancerna, Biełaruś pryvabnaja dla inviestaraŭ, jakija hatovyja ŭkładvać srodki ŭ kandytarskuju halinu. Jon adznačyŭ najaŭnaść u krainie syraviny vysokaj jakaści dla vytvorčaści kandytarskaj pradukcyi. «Šmat cukru, šmat małaka, šmat pšanicy. Što jašče treba, kab rabić cukierki? — Zadaŭ łahičnaje pytańnie Ivan Dančanka. — Treba tolki pryvieźci kakava, a astatniaje my možam vyrablać sami».

U bližejšaj budučyni asablivaja ŭvaha budzie nadavacca raźvićciu dziejučych mahutnaściaŭ pradpryjemstvaŭ pa vytvorčaści cukierak, u tym liku «Kamunarki» i «Spartaka». Heta 28 novych linij na siami dziejučych pradpryjemstvach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?