«Maładyja demakraty» pačynajuć sacyjalnuju kampaniju «Dapamažy dziaciam!». Pra heta było abvieščana 15 sakavika padčas pres-kanfierencyi, jakuju zładzili lidery arhanizacyi Aleh Korban, Kaciaryna Sałaŭjova i Juryj Łaŭrenćjeŭ.
«Kampanija budzie pradstaŭlać saboj zbor achviaravańniaŭ — rečaŭ, knih, hrašovych srodkaŭ, jakija buduć nakiroŭvacca na dapamohu dzieciam-sirotam i dzieciam z małazabiaśpiečannych siemjaŭ. Paśla peŭnaha etapu zbora srodkaŭ, hrupa vałancioraŭ z našaj arhanizacyi budzie nakiroŭvacca ŭ vyznačany dziciačy dom, dzie aproč pieradačy padarunkaŭ, budzie ładzicca supolnaja sustreča. Dzieci žadajuć cikava pravodzić čas, jany čakajuć uvahi da siabie z boku hramadstva, čym my i dapamožam. Takija spatkańni budź najbolš pazityŭnymi, kali razam z vałanciorami da dziaciej pryjeduć, naprykład, muzyki. I tut niama palityki, tamu my raźličvajem na dobraje staŭleńnie z boku kiraŭnictva internataŭ, miascovaj ułady i KDB», — vykazaŭ svaju dumku adnosna pačatku kampanii «Dapamažy dzieciam!» kiraŭnik arhanizacyi Aleh Korban.
«Kali padčas vybarčaj prezidenckaj kampanii my pryjazdžali ŭ rehijony, časta bačyli ŭ jakim stanie žyvuć dzieci ŭ miascovych internatach. U niekatorych ustanovach byvaje navat nie chapaje papiery, srodkaŭ hihijeny i h.d. Situacyja ŭ rehijonach značna adroźnivajecca ad Minsku, dzie možna sutreć šmat dobraabstalavanych i ŭparadkavanych ustanoŭ dla dziaciej-sirotaŭ. Paśla taho, što my pabačyli, asabliva pa minskaj vobłaści, było pryniata rašeńnie raspracavać płan dziejnaści pa vyrašeńni isnučaj prablemy. Kaniešnie, akazać usim i paŭsiul dapamohu nam nie pa siłam. My razujeiem heta. Ale ŭžo siońnia, my pačynajem pieršasnuju realizacyju našaj inicyjatyvy, pačynajem z małaha», — padkreśliŭ siabra mižnarodnaj kamisii «Maładych demakrataŭ» Juryj Łaŭrenćjeŭ.
Kaciaryna Sałaŭjova padzialiłasia svaim vopytam udziełu ŭ padobnaj akcyi, jakuju ładziŭ «Małady Front». Jana zaznačyła, što try hady tamu, maładafrontaŭcy zajmalisia pieradačaj dzieciam-sirotam biełaruskich knih, ale heta nie było doŭhaterminovaj kampanijaj i tym bolš maštabnaj rehijanalnaj akcyjaj. Aktyvistka spadziajecca, što novaja kampanija «Dapamažy dzieciam!» pryniasie dobry vynik, pazityŭ i plon.
«Maładyja demakraty» zaprašajuć usich nieabyjakavych ludziej pryniać udzieł u dabračynnaj sacyjalnaj kampanii «Dapamažy dzieciam!». U luby pracoŭny dzień možna pryjści na ofis i pakinuć lubyja rečy, achviaravańni dla dziaciej. Adras u Minsku — vuł. Charužaj, 22 — 1701.
http://mdby.org/component/content/article/35-news/148--q-q-
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
