16 sakavika ŭ haradskim pasiołku Astraviec byŭ zatrymany i dastaŭleny ŭ miascovaje adździaleńnie milicyi karespandent internet-haziety «Salidarnaść» i pazaštatny aŭtar časopisa «Abažur» Siarhiej Bałaj.
Žurnalist pryjechaŭ tudy ŭ kamandziroŭku, kab apytać miascovych žycharoŭ, jak jany staviacca da budaŭnictva Astravieckaj AES, uličvajučy apošnija padziei ŭ Japonii.

— Da mianie padyšli supracoŭniki kryminalnaha vyšuku dla pravierki dakumientaŭ, kali ja ŭžo skončyŭ źbirać infarmacyju dla repartažu, — raspavioŭ Siarhiej u try hadziny dnia, znachodziačysia ŭ milicyi. — Potym ja adpraviŭsia na vakzał, kab viartacca ŭ Minsk, ale pradstaŭniki pravaachoŭnych orhanaŭ viarnuli. Jany dastavili mianie ŭ miascovy adździeł unutranych spraŭ. Zaraz pierapisvajuć pašpartnyja dadzienyja, pytajucca, što ja tut rablu. Skazali, što telefanavali miascovyja žychary, paviedamili, maŭlaŭ, pa pasiołku chodzić žurnalist i štości raspytvaje. U suviazi z hetym jany nibyta i pavinny byli adreahavać.

Praz 15 chvilin Siarhiej Bałaj pieratelefanavaŭ, skazaŭšy, što tłumačeńni ź jaho uziatyja, i supracoŭniki milicyi na aŭtamabili advieźli jaho na vakzał.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?