Razhlad kryminalnaj spravy Źmitra Daškieviča i Eduarda Łobava ŭ sudzie Maskoŭskaha rajona Minska pieraniesieny na aŭtorak 22 sakavika.
Sud pačniecca, a
Spravu staršyni «Maładoha frontu» Źmitra Daškieviča i jaho namieśnika Eduarda Łobava budzie razhladać sudździa Alena Šylko.
Pieršapačatkova sud nad maładafrontaŭcami, jakich vinavaciać u asabliva złosnym chulihanstvie (č.3 art.339 Kryminalnaha kodeksu) byŭ pryznačany na 21 sakavika.
Maładafrontaŭcaŭ zatrymali 18 śniežnia, pierad samymi prezidenckimi vybarami.Pavodle viersii śledstva, Daškievič, Łazar i Łobaŭ 18 śniežnia 2010 hoda z chulihanskich pamknieńniaŭ biespadstaŭna i naŭmysna, kułakami i mietaličnymi abcuhami źbili dvuch hramadzian. Dzianis Łazar zranku 28 śniežnia byŭ adpuščany na volu i ŭsie padazreńni ź jaho byli źniatyja, sprava ŭ adnosinach da jaho spyniena. Abvinavačańnie Dźmitryju Daškieviču i Eduardu Łobavu było pradjaŭlena 6 studzienia. Padčas śledstva jany ŭtrymlivalisia ŭ Žodzinskim śledčym izalatary. 2 sakavika ich pieraviali u minski SIZA № 1 pa vuł. Vaładarskaha.
Im pahražaje pakarańnie ŭ vyhladzie pazbaŭleńnia voli na termin ad troch da dziesiaci hadoŭ.
22 sakavika — značny dzień u biełaruskaj historyi.
22 sakavika 1864 hoda na Łukišskim placy ŭ Vilni byŭ pakarany śmierciu Kastuś Kalinoŭski, kiraŭnik vyzvolnaha antyrasijskaha paŭstańnia 1863–1864 hadoŭ u Biełarusi i Litvie.
