Hieneralnaja prakuratura Biełarusi pieranakiravała zvarot pravaabaroncy Alesia Bialackaha nakont faktaŭ katavańniaŭ, užytych da byłoha kandydata ŭ prezydenty Respubliki Biełarusi Alaksieja Michaleviča, u Biełaruskuju vajennuju prakuraturu.

Heta vynikaje z adkazu Hienprakuratury, jaki Bialacki atrymaŭ 16 sakavika. Adkaz padpisaŭ staršy prakuror adździełu pa nahladzie za vykanańniem zakanadaŭstva ŭ vojsku i na transparcie S. Katryč.

Tym samym orhan, jaki paklikany sačyć za zachavańniem zakonnaści ŭ krainie, źniaŭ ź siabie niepasrednuju adkaznaść za pravierku vykładzienych u skarzie faktaŭ, — tak acaniŭ hetaje rašeńnie pravaabarončy centar «Viasna».

Zvarot na imia Hienprakurora Ryhora Vasileviča byŭ nakiravany naprykancy lutaha, kali hramadzkaści stali viadomyja fakty katavańniaŭ i biesčałaviečnaha abychodžańnia, jakija ahučyŭ vyzvaleny ź SIZA KDB pad padpisku ab niavyjeździe Alaksiej Michalevič.

Aleś Bialacki prasiŭ pryniać miery prakurorskaha reahavańnia pa ŭkazanych u ŚMI faktach katavańniaŭ, a taksama vyznačyć i pryciahnuć da kryminalnaj adkaznaści asobaŭ, jakija dapuskali dadzienyja katavańni i inšyja biesčałaviečnyja vidy abychodžańnia ŭ adnosinach da asobaŭ, jakija ŭtrymlivajucca ŭ SIZA KDB i SIZA № 1 MUS.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?