Na čyhunačnym vakzale ŭ Minsku supracoŭniki transpartnaj milicyi sumiesna z pradstaŭnikami inšych pravaachoŭnych orhanaŭ zatrymali 19-hadovaha minčuka, jaki pasprabavaŭ vyvieźci piać biełaruskich prastytutak u Rasiju dla seksualnaj ekspłuatacyi.

Z prastytutkami minčanin paznajomiŭsia na 9-m kiłamietry aŭtadarohi Minsk-Viciebsk, dzie jany pracavali. Chłopiec prapanavaŭ im svajo zastupnictva, abaronu ad supracoŭnikaŭ milicyi i bandytaŭ. Za heta jany pavinny byli addavać jamu ad traciny da pałovy svajho zarobku, jaki, ź ich słoŭ, za noč varjujecca ad 100 da 500 dalaraŭ. Dziaŭčaty pahadzilisia.

Jany taksama adkazali zhodaj na prapanovu vyjechać u Maskvu, jakaja pastupiła ad suteniora praź niejki čas. Jon abiacaŭ im bolšy zarobak, čym u Biełarusi, pracu na trasie z stałymi klijentami.

Paśla zatrymańnia vyśvietliłasia, što prastytutkam było ad 16 da 24 hadoŭ.
Jany — minčanki. U niekatorych byli siemji i małyja dzieci.

U dačynieńni pieravozčyka žyvoha tavaru transpartnaja milicyja raspačała spravu pa č. 2 art. 171 Kryminalnaha kodeksa (vykarystańnie zaniatku prastytucyjaj abo stvareńnie ŭmoŭ dla zaniatkaŭ prastytucyjaj), jaki praduhledžvaje pakarańnie ŭ vyhladzie pazbaŭleńnia voli terminam da 10 hadoŭ z kanfiskacyjaj majomaści.

Sutenior znachodzicca pad vartaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?