Film Alaksandra Mindadze «U subotu» (Ukraina, Rasija, Hiermanija) pra čarnobylskuju trahiedyju źniaty z prakatu pavodle rašeńnia pradziusieraŭ karciny. Pra heta paviedamiŭ hienieralny dyrektar UP «Kinavideaprakat» Minharvykankama Vasil Koktyš.

Pavodle jaho słoŭ, «Kinavideaprakat» zaklučyŭ dahavor ab prakacie filma ŭ Minsku z 24 sakavika, adnak jon byŭ skasavany, bo pravaŭładalniki nie dali dazvołu na prakat karciny. «Z čym heta źviazana, ja mahu tolki zdahadvacca», — skazaŭ Koktyš. Jon zaŭvažyŭ, što, na dumku biełaruskich hledačoŭ, jakija ŭžo bačyli karcinu, film rasčaruje likvidataraŭ nastupstvaŭ avaryi na ČAES.

Dziejańnie filma razhortvajecca va ŭkrainskim horadzie Prypiać, u dzień avaryi na Čarnobylskaj AES, 26 krasavika 1986 hoda. Hałoŭny hieroj, małady partrabotnik, adnym ź pieršych daviedvajecca pra avaryju, ale nie maje prava raskazać ab maštabach trahiedyi inšym ludziam. «U subotu» ŭvajšoŭ u asnoŭny konkurs Bierlinskaha kinafiestyvalu minułaha hoda.

Premjera filma ŭ Maskvie adbudziecca 17 sakavika. 24 sakavika karcina vychodzić u šyroki prakat.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?