U Biełarusi pieraraźmierkavana kolkaść prezidenckich stypiendyj pamiž VNU. Jak paviedamili ŭ pres-słužbie kiraŭnika dziaržavy, Alaksandr Łukašenka 14 sakavika padpisaŭ ukaz numar 110, jakim uniesiena źmianieńnie va ŭkaz da 29 žniŭnia 1996 hoda numar 343.

Pa inicyjatyvie savieta śpiecyjalnaha fondu prezidenta Biełarusi pa sacyjalnaj padtrymcy adoranych navučencaŭ i studentaŭ pavialičana kolkaść stypiendyj Biełaruskamu dziaržaŭnamu ŭniviersitetu i Biełaruskamu nacyjanalnamu techničnamu ŭniviersitetu da 12 i 10 adpaviedna.

Biełaruskamu dziaržaŭnamu ekanamičnamu ŭniviersitetu ŭstanoŭlena 9 stypiendyj, Biełaruskamu dziaržaŭnamu piedahahičnamu ŭniviersitetu imia Maksima Tanka i Biełaruskaj dziaržaŭnaj sielhasakademii — pa 8, Akademii MUS — 3, Biełaruskaj dziaržaŭnaj akademii mastactvaŭ i Minskamu dziaržaŭnamu vyšejšamu avijacyjnamu kaledžu — pa 2.

Taksama vydzielena pa adnoj stypiendyi navastvoranym VNU: Mahiloŭskamu vyšejšamu kaledžu MUS i Instytutu pahraničnaj słužby Biełarusi.

Astatnim dziaržaŭnym vyšejšym navučalnym ustanovam kolkaść stypiendyj pakinuta bieź źmianieńnia — pa 4. Vyšejšym navučalnym ustanovam spažyvieckaj kaapieracyi ŭstanoŭleny 4 stypiendyi.

Padtrymka adoranych studentaŭ — pryjarytetnaja zadača sacyjalnaj palityki Biełarusi, ab čym i śviedčyć pryniataje rašeńnie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?