Płaciežnaja sistema «Jandeks. Hrošy» vychodzić za miežy Rasii. Ciapier karystalniki ź Biełarusi, Kazachstana, Ukrainy i inšych krain SND mohuć apłačvać pakupki praz «Jandeks. Hrošy».

Jak paviedamili BiełaPAN u pres-słužbie kampanii «Jandeks», adkryć rachunak u sistemie «Jandeks. Hrošy» moža luby, u kaho jość łohin na Jandeksie. Płaciežnaja sistema dazvalaje pieravodzić hrošy adzin adnamu i apłačvać tavary ŭ sietcy. Da jaje padklučana bolš za 3.000 rasijskich i mižnarodnych internet-mahazinaŭ. Usie płaciažy ažyćciaŭlajucca ŭ rublach. Dla pakupak u zamiežnych mahazinach — naprykład Amazon abo App Store — «Jandeks. Hrošy» aformiać virtualnuju kartu ŭ dołarach abo jeŭra.

«U krainach SND ludzi karystajucca tymi ž internet-servisami, što i ŭ Rasii. Taksama majuć znosiny ŭ sacyjalnych sietkach, razmaŭlajuć pa Skype, hulajuć u anłajn-hulni, čytajuć elektronnyja knižki i słuchajuć muzyku. Ciapier jany zmohuć, jak i rasijskija karystalniki, apłačvać hetyja i inšyja pasłuhi «Jandeks. Hrošami», — prakamientavała hienieralny dyrektar kampanii «Jandeks. Hrošy» Jaŭhienija Zavališyna.

U krainach SND papoŭnić rachunak u «Jandeks. Hrošach» možna najaŭnymi praź sistemy hrašovych pieravodaŭ CONTACT i Anelik, dzie jość pryjom i biełaruskich rubloŭ, i ŭkrainskich hryŭnaŭ, i tenhie. Kamisija za papaŭnieńnie rachunku składaje ad 1,5 da 2%. U ofisach CONTACT i MIGOM možna taksama vyvieści hrošy ź sistemy.

Sistema «Jandeks. Hrošy» była stvoranaja ŭ 2002 hodzie. Štodzień u joj adkryvajecca bolš za 8.000 novych rachunkaŭ, pravodzicca bolš za 80.000 płaciažoŭ za roznyja tavary i pasłuhi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?