Pałkoŭniku Vadzimu Ramaniuku było 40 hadoŭ. 17 ź ich jon prasłužyŭ u milicyi.

 Pałkoŭnik milicyi Vadzim Ramaniuk.

Pałkoŭnik milicyi Vadzim Ramaniuk.

8 sakavika źvioŭ rachunki z žyćciom načalnik Hrodzienskaha abłasnoha ŭpraŭleńnia Departamienta achovy MUS Vadzim Ramaniuk, paviedamlaje hazieta «Viečiernij Hrodno». Pałkoŭniku było 40 hadoŭ.

Vadzim Ramaniuk pryjechaŭ kiravać Hrodzienskaj achovaj čatyry hady tamu z Bresta. Tam u jaho zastałasia siamja. Pavodle infarmacyi prakuratury, pałkoŭnika znajšli miortvym u słužbovaj kvatery, u jakoj jon pražyvaŭ. Vadzim Ramaniuk słužyŭ u milicyi 17 hadoŭ. Rasśledavańniem zdareńnia zajmajecca abłasnaja prakuratura i Upraŭleńnie ŭłasnaj biaśpieki UUS abłvykankama. Kamientaroŭ nakont taho, što mahło padšturchnuć kiraŭnika abłasnoj achovy na taki adčajny ŭčynak, nie dajuć. «Viečiernij Hrodno» adznačaje, što infarmacyju pa spravie pakul nie razhałošvajuć.

Samahubstva načalnika achovy stała druhim za apošni miesiac zdareńniem z udziełam milicyjantaŭ. Tak, padčas dziažurstva 7 sakavika ŭ Biarozaŭskim RAUS Bresckaj vobłaści z tabielnaj zbroi zastreliŭsia 23-hadovy milicyjant.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?