U paviedamleńni, jakoje źjaviłasia na sajcie «Ruchu za svabodu», palityk paćviardžaje, što znachodzicca pa-za miežami Biełarusi, i što ŭ jaho ŭsio dobra. Ciaham bližejšaha tydnia jon źbirajecca zrabić videazvarot.

Palityk heta zrabiŭ, kab raźviejać sumnievy nakont jahonaha miescaznachodžańnia, bo ź minułaj niadzieli nibyta nichto nie čuŭ jahonaha hołasu.

«Ja Aleś Michalevič. Sa mnoj usio dobra, ja znachodžusia pa-za miežami Biełarusi. Viedaju, što ŭ ŽŽ u supołcy baj-palityks, i ŭ inšych miescach šmat kamientaroŭ, što nichto nie čuŭ moj hołas apošnim časam. Siońnia ja razmaŭlaŭ ź Jurasiom Hubarevičam, a na praciahu bližejšaha tydnia ja źbirajusia zrabić videazvarot».

***

Namieśnik staršyni Ruchu «Za Svabodu» Juraś Hubarevič raspavioŭ pra hutarku ź Michalevičam:

«U noč na 16 sakavika ja havaryŭ ź im karacieńka praz skajp mienavita hołasam».

Hubarevič upeŭnieny, što Aleś Michalevič žyvy-zdarovy i ŭ biaśpiečnym miescy. Jon kaža, što

na pytańnie pra svajo ciapierašniaje miescaznachodžańnie Michalevič nie adkazaŭ:

«Ale jon paviedamiŭ, što sočyć za padziejami ŭ Biełarusi i viedaje pra rezanans, vyklikany jaho adjezdam. Aleś źbirajecca zrabić videazvarot, kab źniać usie mahčymyja pytańni ŭ źviazku ź jahonym „źniknieńniem“ i raspavieści pra toje, jak jon zaraz uładkavany i jakija maje płany», — kaža Juraś Hubarevič.

***

15:16

Miarkujecca, što Aleś Michalevič zaraz znachodzicca ŭ stalicy Čechii - Prazie, paviedamlaje sajt ADS. Raniej prajšła infarmacyja, što jaho bačyli ŭ kijeŭskim aeraporcie "Baryspal".

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?