Kabiniet ministraŭ maje namier pierahledzieć płany budaŭnictva piaci AES na terytoryi karaleŭstva ŭ śviatle apošnich padziej, jakija adbyvajucca ŭ Japonii,
zajaviŭ kiraŭnik urada Tajłanda Abchimit Vietčačyva.

«Adpaviednym viedamstvam dadzienaje daručeńnie pierahledzieć płany pa raźvićci hetaha prajektu, u tym liku ŭličyć pytańni procidziejańnia katastrofam, a taksama acanić metazhodnaść budaŭnictva stancyj», — skazaŭ premjer.

Pradstaŭnik urada Panitan Vatanajakorn adznačyŭ, što «ciapier kiraŭnik kabinieta schilny admianić dadzieny płan»:

«Z kožnym dniom raście zakłapočanaść u suviazi z padziejami ŭ Japonii, dzie śpiecyjalistam nie ŭdajecca ŭziać situacyju pad kantrol, niahledziačy na ŭsie isnyja sučasnyja technałohii».

Da 2020 hoda Tajłand raźličvaŭ pačać uźviadzieńnie piaci AES, vykarystoŭvajučy ŭ tym liku dośvied japonskich inžynieraŭ.

Nahadajem, paśla katastrofy na japonskaj AES «Fukusima-1» u prefiektury Mijahi byŭ uviedzieny režym NS. Za minułyja dni na troch enierhabłokach «Fukusimy» adbylisia try vybuchi. Francuzskaje Ahienctva pa jadziernaj biaśpiecy acaniła avaryju stancyi ŭ šeść bałaŭ pa mižnarodnaj siamibalnaj škale.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?