Kvatery canoj miljon dalaraŭ u elitnym domie «Kala Trajeckaha» pradmieścia ŭ Minsku raskuplenyja. Zabudoŭščyk, kampanija «Trajpł», abiacaje zdać elitnaje žyllo tolki ŭ 2012 hodzie, ale na siońniašni dzień z 215 kvater pakupnika čakajuć tolki 43.
Dom nad Trajeckim stanie adnym z samych prestyžnych u Biełarusi.
Raskupili mienavita samyja darahija kvatery na vierchnich pavierchach.
«Majak Minska» budzie mienš prestyžnym.
Pryčym razabranyja mienavita samyja darahija dvuchuzroŭnievyja kvatery na vierchnich pavierchach, ź vialikimi zialonymi terasami. Raniej na sajcie zabudoŭščyka piacipakajoŭka ahulnaj płoščaj kala 500 kvadratnych mietraŭ kaštavała 1 miljon 10 tysiač dalaraŭ.
A byli jašče kvatery z 6 dy 8 pakojami! Ciapier ich niama. Zastalisia ŭ asnoŭnym kvatery na pieršych pavierchach, ad 300 tysiač dalaraŭ. Samyja ž darahija na siońnia — «usiaho tolki» pa 750 tysiač.
«Na siońniašni dzień — prykładna 750 tysiač dalaraŭ. Adrazu treba zapłacić 30%, a astatniaje da kanca hoda», — raskazali Jeŭraradyjo ŭ firmie «Trajpł».
Miž tym pradstaŭnik kampanii admoviŭsia kazać, kolki kvater za miljon było pradadziena. Ale adznačyŭ, što asnoŭnaja kolkaść pakupnikoŭ — biełarusy, choć jość i zamiežniki. Bolš za toje, na dumku pradstaŭnika «Trajpła», tyja, chto ŭžo nabyŭ kvateru, kredytaŭ nie brali: maŭlaŭ, heta ich ułasnyja nakapleńni.
U inšym elitnym žyllovym kompleksie — «Majak Minska», jaki jašče nie chutka budzie dabudavany, — zastałosia tolki 10% volnych kvater. Tut taksama asnoŭnymi haspadarami stali žychary Biełarusi, ale nabyvali jany kvatery nie tolki za naźbiranyja hrošy.
«Majak Minska»: «
Varta adznačyć, što kvatery ŭ kompleksie «Majak Minska» tańniejšyja, čym u domie «Kala Trajeckaha». Usio ž dalokaść ad centra ŭpłyvaje.
«Majak Minska»: «1400 dalaraŭ dzieści, 1350 za mietr. Siaredniaja cana kvatery… nie mahu skazać, bo jany vielmi roznyja. Znoŭ ža časam nabyvali pa dźvie, pa try kvatery, kab ich paśla abjadnać — i heta byŭ samy darahi varyjant».
U adnym z najbujniejšych minskich ahienctvaŭ nieruchomaści «Maja stalica» Jeŭraradyjo paviedamili, što navat uhody na 600 tysiač dalaraŭ dosyć redkija, niahledziačy na vysokuju aktyŭnaść pakupnikoŭ u minułym hodzie. A amal całkam raskuplenyja kvatery ŭ elitnych novabudoŭlach, na dumku pradstaŭnika ahienctva, pakazali, kolki ŭ našaj krainie bahatych ludziej.
«Maja stalica»: «Hety dom, napeŭna, i pakazaŭ tuju niešmatlikuju častku bahatych ludziej, jakija žadajuć mieć nieruchomaść u Biełarusi. Uvohule, zaŭsiody źmieny na rynku nieruchomaści ŭ Biełarusi źviazanyja z mahčymaściu ludziej kredytavacca. Jak tolki staŭka refinansavańnia pačała padać, a za minuły hod jana ŭpała try razy, adrazu ažyviŭsia popyt. I hety pieryjad byŭ dastatkova aktyŭnym. Zaŭtra ci siońnia ŭ nas źmianiajecca staŭka refinansavańnia, i što budzie dalej — nieviadoma».
Dla paraŭnańnia: za miljon dalaraŭ siońnia prapanujuć dvuchuzroŭnievyja apartamienty z meblaj u centry
