U Biełarusi dastatkova mahčymaściaŭ paźbiahać defołtaŭ, zajaviŭ žurnalistam 15 sakavika ŭ Minsku vice-premjer rasijskaha ŭrada, ministr finansaŭ Alaksiej Kudryn.

«Bolš za toje, Biełaruś mahła b paśpiachova raźvivacca i paźbiahać niarynačnych mietadaŭ rehulavańnia ekanomiki. I heta dobraja mahčymaść dasiahać zbałansavanaści rostu», — skazaŭ jon.

Kudryn nie zmoh adkazać na pytańnie, ci zdolnaja Biełaruś paźbiehnuć defołtu biez kredytaŭ Antykryzisnaha fondu JeŭrAzES i ŭrada Rasii.

Ministr nahadaŭ, što Biełaruś źviarnułasia ŭ fond z prośbaj vydzielić kredyt u pamiery 2 młrd. dalaraŭ i «bolš čym paŭhoda tamu» — da ŭrada Rasii ab vydzialeńni 1 młrd. dalaraŭ.

Kudryn padkreśliŭ, što ciapier u hetaj častcy viaducca pieramovy ź biełaruskim bokam. «Vydzialeńnie kredytaŭ budzie źviazanaje z vykanańniem šerahu ŭmoŭ, sa strukturnymi reformami», — skazaŭ jon. Vice-premjer udakładniŭ, što hetyja ŭmovy mohuć być blizkimi da ŭmoŭ vydzialeńnia kredytaŭ Mižnarodnym valutnym fondam.

Kudryn nie zmoh adkazać na pytańnie, u jakija terminy zavieršacca pieramovy ab vydzialeńni kredytu.

U toj ža čas jon adznačyŭ, što baki nie pravodzili pieramoŭ na pradmiet taho, što kredyty buduć uviazanyja z pryvatyzacyjaj biełaruskich pradpryjemstvaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?