Palicyja Bachrejna ŭžyła hranaty sa ślezaciečnym hazam dla razhonu udzielnikaŭ akcyi pratestu, što razharnuli namioty na płoščy ŭ stalicy krainy Manamie.

Bolšaść pratestoŭcaŭ — šyity, jakija zaklikajuć da palityčnych reformaŭ u Bachrejnie, dzie va ŭładzie znachodziacca pieravažna sunity. Jany patrabujuć pierahledzieć ekanamičnuju palityku ŭładaŭ, dać nasielnictvu bolš palityčnych svabodaŭ, a taksama pakłaści kaniec dyskryminacyi šyitaŭ, jakaja asabliva vyjaŭlajecca pry pryjomie na pracu.

Śviedka, čyje vokny vychodziać na Žamčužnuju płošču, dzie raźmiaścilisia demanstranty, raspavioŭ, što vartavyja paradku dziejničali vielmi žorstka. Kala hadziny palicyjanty sprabavali vyciaśnić pratestoŭcaŭ z płoščy, i ŭ rešcie rešt im heta ŭdałosia.

Paviedamlajecca, što napiaredadni, u aŭtorak, pa mienšaj miery, dva čałavieki zahinuli ŭ sutyknieńniach z palicyjaj.

U krainie ŭviedziena nadzvyčajnaje stanovišča. Ułady zaklikajuć vajskovyja adździeły, jakija składajucca ŭ asnoŭnym z sunitaŭ, padtrymlivać paradak na vulicach.

Pratesty ŭ Bachrejnie pačalisia ŭ lutym hetaha hoda, uśled za chvalaj antyŭradavych demanstracyj, jakija prakacilisia u Tunisie i Jehipcie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?