Supracoŭniki ŭpraŭleńnia KDB pa Homielskaj vobłaści siońnia praviali niekalki niečakanych pieratrusaŭ u Rečycy: na vulicy Čapajeva, uzłamaŭšy dźviery ŭ pryvatnym domie, dzie mieścicca hramadskaja pryjomnaja, jany źnieśli asabistyja rečy pravaabaroncy Valeryja Pucickaha — sistemny błok kamputara, pryntar i pryvatny noŭtbuk.

Pierad hetym Pucickamu telefanavaŭ nibyta ŭčastkovy pa proźviščy Karalkoŭ, jaki prasiŭ terminova sustrecca. U adkaz Valeryj zapatrabavaŭ dasłać jamu pozvu. Adnak apieratyŭniki vyrašyli abyścisia naohuł biez haspadara.

U aŭtorak prajšoŭ i pieratrus u siabra Partyi BNF ź vioski Pieraśviatoje Rečyckaha rajona Aleha Karbaleviča. U aktyvista byli skanfiskavanyja sistemny błok kamputara, ryzohraf, pravaabarončaja i hramadska-palityčnaja litaratura. Jak paviedamiŭ Karbalevič dla radyjo «Svaboda», pieratrus u domie pravodzili troje supracoŭnikaŭ UKDB pad kiraŭnictvam kapitana Kołasava ŭ miežach kryminalnaj spravy pra masavyja biesparadki ŭ Miensku 19 śniežnia. Pieratrus ciahnuŭsia amal dźvie hadziny.

I ŭ aŭtorak ž supracoŭniki KDB praviali pieratrus pa miescy rehistracyi pradprymalnicy Śviatłany Piatroŭskaj, jakaja na prezidenckich vybarach pracavała ŭ kamandzie Uładzimira Niaklajeva.

Pravaabaroncy miarkujuć, što supracoŭniki KDB šukajuć drukavanuju pradukcyju z zaklikami da Dnia Voli, jaki adznačajecca 25 sakavika.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?