Vojski Kadafi ŭziali pad kantrol čarhovy horad na ŭschodzie krainy — Adždabiju. Hetamu papiaredničali bambardziroŭki i mocny artyleryjski abstreł.

Słaba ŭzbrojenyja paŭstancy nie zdolnyja siłaj supraćstajać rehularnaj armii i śpiecnazu Kadafi.

Śviet naziraje za hetym zdala. Choć bolšaść kiraŭnikoŭ śvietu pahardžajuć Kadafi, nichto nie ličyć mahčymym adpravić u Liviju vojski. U pryvatnaści, kateharyčna suprać vajennaha ŭmiašańnia vystupiła Niamieččyna. Jana atrymlivaje ź Livii tracinu spažyvanaj nafty.

Brytanija i Francyja, jakija ad pastavak nafty ź Livii nie zaležać, sprabavali pravieści bolš žorstkuju liniju, ale marna. Pry Bušu i Klintanu valavoje rašeńnie mahła b pryniać Amieryka. Adnak zamiežnaja palityka Baraka Abamy takaja, što jon admaŭlajecca ŭžyvać siłu biez zhody mižnarodnaj supolnaści.

Całkam mahčyma, što Kadafi zachopić i apošnija bastyjony paŭstańnia.

Paryŭ livijcaŭ da svabody moža skončycca tym samym, što i vienhierskaje paŭstańnie 1956 hoda ci Pražskaja viasna 1968-ha.

Mubarak i Ben Ali nie rašylisia na poŭnamaštabnaje ŭžyćcio siły i syšli. Livijski dyktatar abrynuŭ na pratestoŭcaŭ usiu siłu represiŭnaha aparatu. Reakcyjaj na biasčynstvy śpiecnaza i sakretnaj palicyi stała ŭzbrojenaje paŭstańnie. Tady Kadafi kinuŭ suprać paŭstancaŭ armiju, padtrymanuju avijacyjaj. Navat susiedzi pa Lizie arabskich dziaržavaŭ vystupili za stvareńnie nad Livijaj zony, zakrytaj dla avijacyi. Adnak niama dziaržavy, jakaja mieła b achvotu vykanać takuju palicyjnuju funkcyju.

Kali Kadafi zdoleje patapić paŭstańnie ŭ kryvi, jahonym mietadam buduć karystacca i inšyja dyktatary rehijona.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?