Nad AES «Fukusima-1» padnimajecca bieły dym, paviedamlajuć infarmacyjnyja ahienctvy.

Mierkavana, słup dymu znachodzicca nad trecim reaktaram.

Raniej paviedamlałasia, što pažar adbyŭsia ŭ čaćviortym reaktary, adnak byŭ nieŭzabavie patušany.

Ułady taksama paviedamili ab tym, što ŭ basiejnie dla adpracavanych paliŭnych stryžniaŭ na AES «Fukusima-1» paŭstała pahroza niekantralavanaj łancuhovaj jadziernaj reakcyi.

Administracyja AES zajaviła, što prapracoŭvaje pytańnie ab tym, kab ź viertalotaŭ zalić basiejn bornaj kisłatoj. Jana pavinna źbić intensiŭnaść jadziernych reakcyj u zonie raźmiaščeńnia adpracavanaha jadziernaha paliva.

Adnak japonskaja armija pakul nie zdoleła pačać zaliŭku stancyi boram. Hetamu pieraškadžaje mocny viecier i vielmi vysoki ŭzrovień radyjacyi nad stancyjaj.

Pakul što sa stancyi vykidvalisia pieravažna karotkažyvučyja radyjeaktyŭnyja elemienty.

Sapraŭdnaj katastrofaj staŭ by vykid vialikich kolkaściaŭ doŭhažyvučaha ceziju, što adbyłosia ŭ Čarnobyli.

Hienieralny sakratar japonskaha ŭrada zajaviŭ, što słup dymu ci pary nad stancyjaj moža być vyklikany razbureńniem abałonki treciaha reaktara — stalovaha i žalezabietonnaha korpusa, unutry jakoha znachodzicca radyjeaktyŭnaje paliva.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?