U suviazi z nastupstvami ziemlatrusu ŭ Japonii, jakoje pryviało da surjoznych avaryj na AES, prezident Vieniesueły Uha Čavies časova prypyniŭ realizacyju płanaŭ pa vykarystańni jadziernaj enierhii ŭ mirnych metach pry sadziejničańni Rasii.

«Ja daŭ ukazańnie ministru enierhietyki i nafty Rafaelu Ramiresa prypynić płany i papiaredniuju raspracoŭku vieniesuelskaj prahramy vykarystańnia jadziernaj enierhii ŭ mirnych metach», - paviedamiŭ u aŭtorak Čavies.

Mižuradavaje pahadnieńnie ab supracoŭnictvie Rasiei i Vieniesueły ŭ raźvićci atamnaj enierhietyki i budaŭnictvie atamnaj elektrastancyi ŭ paŭdniovaamierykanskaj krainie było padpisana ŭ kastryčniku minułaha hoda padčas vizitu Čaviesa ŭ Maskvu.

Vieniesuelski prezident adznačyŭ, što «niahledziačy na technałahičnyja dasiahnieńni Japonii, na niekatorych reaktarach adbylisia avaryi, nastupstvy jakich pakul navat ciažka acanić». Čavies ličyć, što avaryi na atamnych elektrastancyjach u Japonii buduć «istotna strymlivać płany raźvićcia jadziernaj enierhietyki va ŭsim śviecie».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?