Umovy vydačy «mohuć być blizkija da ŭmoŭ MVF pa apošnim kredycie», — skazaŭ kiraŭnik rasijskaha Minfina.

Rasija razhladaje mahčymaść vydačy Biełarusi dziaržaŭnaha kredytu na $ 1 miljard. Jašče $ 2 miljardy Minsk prosić u antykryzisnaha fondu JeŭrAzES, paviedamiŭ vice-premjer, ministr finansaŭ Rasii Alaksiej Kudryn na pres-kanfierencyi pa vynikach Miždziaržrady JeŭrAzES i pasiadžeńnia savieta ministraŭ sajuznaj dziaržavy.

«Biełaruś źviarnułasia ŭ antykryzisny fond JeŭrAzES z prośbaj ab vydzialeńni na $2 młrd kredytu i da ŭrada Rasiei jašče ab $1 młrd», — cytuje Kudryna RIA «Naviny».

Jon adznačyŭ, što dadzienyja prośby pastupili ad biełaruskaha boku kala paŭhoda tamu, i pieramovy praciahvajucca. Kudryn dadaŭ, što kredyty, u pryvatnaści, vyłučajucca na praviadzieńnie strukturnych reformaŭ. Umovy vydačy «mohuć być blizkija da ŭmoŭ MVF pa apošnim kredycie», — skazaŭ kiraŭnik rasijskaha Minfina.

Raniej prem'jer-ministr Rasii Uładzimir Pucin zajaviŭ, što Rasija vydaść kredyt Biełarusi na budaŭnictva pieršaj biełaruskaj AES. Heta budzie hihanckaja suma $6 miljardaŭ.

Akramia taho, Pucin u časie pres-kanfierencyi pa vynikach miždziaržrady JeŭrAzES ŭ Minsku padkreśliŭ abjomy biazmytnych i lhotnych pastavak nafty i hazu. Jon zajaviŭ, što ahulny abjom subsidyj u vyniku hetaha ŭ 2011 hodzie składzie $ 4,3 młrd.

«Biełaruś nas paprasiła — my 21,6 miljona ton nafty naohuł biazmytna pastaŭlali. A viedajecie, kolki kaštuje biaspošlinnaja naftu ŭ takim abjomie? Ja mahu vam skazać, što ahulny abjom subsidavańnia biełaruskaj ekanomiki pa hodzie składzie prykładna $ 4300000000», — zajaviŭ jon.

Novyja kredyty — rasijskaja adździaka łukašenkaŭskamu režymu za pabudovu AES Rasijaj. Rasijski prajekt budzie aznačać pastaŭki rasijskaha atamnaha paliva naviečna. Heta jašče bolš uzmacnić zaležnaść Biełarusi ad Maskvy.

Što da novych kredytaŭ, dyk, mahčyma, ich vydača budzie abumoŭlenaja pryvatyzacyjaj niekatorych pradpryjemstvaŭ na karyść Maskvy. Prynamsi, Pucin zrabiŭ akcent na idei pieradačy MAZa ŭ adnu hrupu z KAMAZam.

Udziačny Pucin u časie vizitu padyhryvaŭ Łukašenku.

Biełaruś «abjahoryła» Rasiju ŭ častcy pastavak pradukcyi, zajaviŭ jon.

«Rasijski ekspart u Biełaruś letaś vyras na 8%, a impart biełaruskich tavaraŭ u Rasiju — bolš jak na 46%».

U toj ža čas Pucin z zadavalnieńniem adznačyŭ, što padčas pieramoŭ Rasija i Biełaruś padpisvajuć šerah pahadnieńniaŭ u enierhietyčnaj śfiery — u pryvatnaści, ab paralelnaj pracy enierhasistem.

Paśla karotkaha pieryjadu «pakarańnia» Biełarusi za niepryznańnie Abchazii adnosiny Maskvy i Łukašenki viarnulisia da raniejšaha farmatu. Maskva ščodra finansuje dyktatarski režym u abmien za ekanamičnuju pryviazku i kulturnuju rusifikacyju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?