Kazać pra palityku, śledstva abo ŭmovy ŭtrymańnia na takich spatkańniach zabaroniena.

Jak raspaviała žonka Alaksandra Atroščankava, pres-sakratara kandydata ŭ prezidenty Andreja Sańnikava, spatkańnie z mužam z-za techničnych nakładak u SIZA doŭžyłasia zamiest dazvolenych troch hadzin 1 hadzinu i 45 chvilin. Ale ŭsio adno Darja Korsak była radaja i hetamu času, praviedzienamu z mužam, jakoha ŭžo asudzili na 4 hady ŭzmocnienaha režymu nibyta za ŭdzieł u masavych biesparadkach na płoščy Niezaležnaści 19 śniežnia. Alaksandr Atroščankaŭ vykonvaŭ na płoščy svaje prafiesijnyja abaviazki žurnalista i pryznany viaźniem sumleńnia.

Razmaŭlali Darja i Alaksandr praz škło pa telefonie — navat uziać adzin adnaho za ruki nie mahli. Kazać lišniaje nielha — inakš adklučać huk.

«Ja ciapier vielmi ŭschvalavanaja. Ciažka ŭsio ŭspomnić, u hałavie biazładździe… Vyhladaje Saša, viadoma, stomlenym, ale my šmat śmiajalisia, jon uśmichaŭsia. Zrazumieła, što

paśla suda ździek ź jaho spyniŭsia. Nie viedaju, z čym heta źviazana — z zajavaj Alesia Michaleviča ci tamu što jaho ŭžo asudzili.
Zmoh skazać, što
ŭ SIZA imknucca ŭsim palitviaźniam pryščapić pačućcio viny i adčuvańnie, što pra ciabie ŭsie zabylisia.
Pytaŭsia, ci praŭda, što na sud pryjšło šmat ludziej jaho padtrymać, ci tam mahło być šmat amapaŭcaŭ u cyvilnym? Ja skazała, što ludzi jaho nie zabyvajuć, pamiatajuć, što za jaho zmahajucca. Saša choča chutčej źjechać u kałoniju, nie dumaje, što heta chutka skončycca…. Skazaŭ, što za ŭvieś čas aryštu samymi radasnymi dla jaho byli naviny, što Natallu Radzinu i Irynu Chalip vypuścili ź SIZA, choć i na takich umovach.

Raspaviadaŭ, što pa-raniejšamu ŭtrymlivajecca ŭ kamiery biez tualeta, što pachod u prybiralniu — cełaja kulturnaja padzieja. Kazaŭ, što da ich da turemnaha akienca prylatała sinička, a naahuł prylatajuć varony. Jany, skazaŭ, musić, pracujuć u KDB, bo prylatajuć u 6 ranicy, padčas padjomu i źlatajuć, a 22-j, padčas adboju….

Saša upeŭnieny, što kamanda Andreja Sańnikava trymajecca małajcom. Złamać nikoha nie ŭdałosia», — raspaviała Darja Korsak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?