Prezident Kyrhyzstana Roza Atunbajeva u intervju telekanału Euronews paviedamiła, što były prezident Kurmanbiek Bakijeŭ praciahvaje znachodzicca ŭ Biełarusi.

Kankretnaje ž miescaznachodžańnie Bakijeva i jahonych siamiejnikaŭ chavajecca. Adzin čas źjaviłasia infarmacyja, što kirhizskich haściej Łukašenki pasialili ŭ adnoj z zapaviednych zonaŭ, adnak isnujuć padstavy ŭ hetym sumniavacca. U pryvatnaści,

jość źviestki, što 9-hadovaja dačka Bakijeva vučycca ŭ pačatkovaj škole pry statusnaj himnazii ŭ minskim mikrarajonie Viaśnianka — tamsama, dzie i ŭnučki Alaksandra Łukašenki
, paviedamlaje radyjo "Svaboda".

Baćki pačatkoŭcaŭ na ŭmovach ananimnaści raskazali, što letašniaj

vosieńniu ŭ kłasie źjaviłasia dziaŭčynka charakternaj azijackaj źniešnaści; da jaje była prykavanaja asablivaja ŭvaha vykładčykaŭ, joju staranna apiekavalisia. Pry hetym jana drenna razmaŭlała pa-rasiejsku.
Ale ŭ administracyi škoły admovilisia davać infarmacyju pra svaich navučencaŭ. Darečy, sioleta školnaha ŭzrostu dasiahnie i małodšy syn Bakijeva.

U słužbie achovy, prystaŭlenaj da siamji Bakijeva, na ŭsie pytańni radyjo "Svaboda" adnosna adrasu žycharstva i statusu apalnaha kirhizskaha lidara abiacali adkazać paśla "adpaviednaha ŭzhadnieńnia".

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?