Brytanskija jurysty sprabujuć źviarnuć na siabie ŭvahu, karystajučysia viadomaściu biełaruskaha lidera i palityčnaj vastrynioj sytuacyi, zajaviŭ kiraŭnik presavaj słužby prezidenta Biełarusi Pavał Lohki.

Hetak jon prakamentavaŭ artykuł u brytanskaj hazecie «The Independent».

Vydańnie paviedamiła, što brytanskaja jurydyčnaja firma H2O Law rychtujecca inicyjavać pryvatny sudovy pieraśled u dačynieńni da Alaksandra Łukašenki.

«My ŭpeŭnienyja, što ŭ nas jość usie nieabchodnyja składniki dla taho, kab pradjavić jak pryvatnaje abvinavačańnie, tak i hramadzianski pazoŭ Alaksandru Łukašenku. My hatovyja ŭstupić u hetuju spravu, i siemji, jakija my pradstaŭlajem, poŭnyja rašučaści», — zajaviŭ u interviju hazecie partner-zasnavalnik H2O Law Džejsan Makkiej.

«Pierśpiektyvy ŭ hetaj zadumy — nulavyja, — skazaŭ Pavał Lohki. — Heta na samoj spravie nia bolš čym pijar-akcyja spadaroŭ jurystaŭ. Heta tolki sposab choć jak źviarnuć na siabie ŭvahu, karystajučysia viadomaściu biełaruskaha lidara i palityčnaj vastrynioj sytuacyi. Ja dumaju, što i sami arhanizatary vydatna razumiejuć, što heta pusty reklamny pšyk. A voś The Independent, nie razabraŭšysia ŭ sutnaści pytańnia, paprostu kupiłasia na tanny truk. Imidžu surjoznaha vydańnia padobnaje, na moj pohlad, prosta škodzić».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?