Jany padyšli da niebiaśpiečnaj rysy.

Zołatavalutnyja reziervy Biełarusi, raźličanyja pa standartach MVF, źnizilisia za luty na 319 młn dalaraŭ (7,4%) paśla źnižeńnia na 688 młn dalaraŭ ZŠA (na 13,7%) za studzień.

Na 1 sakavika reziervy skłali 4024 młn. dalaraŭ suprać 5031 młn dalaraŭ na 1 studzienia. Ahułam jany źnizilisia za dva miesiacy hetaha hoda na 1007 młn dalaraŭ (20%). Takija źviestki apublikavaŭ Nacbank.

U struktury reziervaŭ aktyvy ŭ valucie skłali $ 1281,3 młn., skaraciŭšysia na 626,4 młn dalaraŭ (32,8%) z pačatku hoda.

Manietarnaje zołata źniziłasia za studzień-luty na 339,1 młn dalaraŭ (21,2%) i na 1 sakavika skłała 1 260,7 młn dalaraŭ.

Inšyja aktyvy skłali 900,7 młn dalaraŭ, što na 54,8 młn dalaraŭ (5,7%) mienš, čym na pačatak hoda.

SDR (śpiecyjalnyja pravy zapazyčańnia) skłali 580,9 młn dalaraŭ suprać 567,7 młn na 1 studzienia 2011 hoda.

Faktyčna, pry zachavańni ciapierašniaha tempu padzieńnia reziervaŭ, ich zastałosia ŭsiaho na niekalki miesiacaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?