U Harnałyžnym kompleksie «Siličy» 7 sakavika zahinuŭ łyžnik. Chłopiec kataŭsia razam sa stryječnym bratam. Adzin ź ich upaŭ. Brat chacieŭ jaho abjechać i urezaŭsia ŭ aharodžu, a paśla ŭ dreva. Ad traŭmaŭ jon skanaŭ.

Pra heta paviedamiła krynica ŭ pravaachoŭnych orhanach.

Voś jak apisvaje hetaje zdareńnie adzin ź vidavočcaŭ na forumie extreme.by: «Siońnia kataŭsia, nie viedaju, praŭda ci nie…. Adbyvałasia ŭsio prykładna ŭ 20:15. Źjazdžajučy pa trasie (numar nie viedaju), jana idzie praz vychad i dalej uniz da padjomnika, pry źjeździe pracoŭny padniaŭ zaharodžu i paprasiŭ pačakać. Spytaŭšy, što zdaryłasia, jon raspavioŭ, što chtości vielmi mocna paciarpieŭ (mnostva pierałomaŭ), padrabiaznaściaŭ jon nie viedaŭ sam. Praz paru chvilin hutarki, padniaŭsia śniehachod, da jakoha byli pryviazanyja nasiłki… u ich lažaŭ chłopiec i siadzieli jašče 2 čałavieki… ja nie pajšoŭ daviedvacca jak i što, bo vielmi chutka źjechali ŭ miedpunkt…»

Pa słovach vidavočcaŭ, zahinuły i jaho brat byli niećviarozymi. Adnak u pravaachoŭnych orhanach hetu infarmacyju abvierhli. U suviazi ź incydentam milicyja pravodzić pravierku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?