Važnaja infarmacyja dla tych, chto kuplaje «NN» u «Biełsajuzdruku» 16

«Biełsajuzdruk», jakomu naležać usie hazietnyja kijoski Minska, admaŭlajecca brać u prodaž bolš čym 1800 ekzemplaraŭ «Našaj Nivy». Jany raspradajucca całkam.

Aficyjnaje viartańnie składała ŭ studzieni 2–3%. Heta aznačaje, što ŭ realnaści kupić «Našu Nivu» možna tolki ŭ sieradu. Sapraŭdy, mnohija čytačy telefanujuć, narakajuć, što hazietu kupić ciažka.

Na našy prośby pavysić kolkaść asobnikaŭ u prodažy «Biełsajuzdruk» adkazaŭ, što «nie płanuje pavieličeńnie tyražu». Vyhladaje, što abmiežavańnie tyražu maje palityčny charaktar. Hazietu raskuplajuć pastajannyja čytačy, i jana mienš traplaje na vočy novamu čytaču.

U suviazi z hetym majem niekalki rekamiendacyj:

1. Kali vy nie zdoleli kupić numar u kijoskach «Biełsajuzdruku», pytajciesia hazietu ŭ najbližejšym adździaleńni «Biełpošty» i ŭ pryvatnych raspaŭsiudnikaŭ. Na poštach «Našu Nivu» taksama pradajuć.

2. Vielmi rekamiendujem padpisvacca. Tak vy budziecie atrymlivać hazietu harantavana. U toj ža čas i novyja čytačy buduć sutykacca z hazietaj u kijoskach.

3. Prosim kožnaha z vas, chto nie znachodzić haziety ŭ svaim šapiku «Biełsajuzdruku», adrazu kiravać karotki list nastupnaha źmiestu:

HRUP «Biełsajuzdruk»

220050 Minsk vuł. Vaładarskaha, 16

Ja, (imia, imia pa baćku, proźvišča), jaki pražyvaje pa adrasie…, nie znachodžu ŭ prodažy haziety «Naša Niva» ŭ kijosku № …, dzie ja pryvyk jaje kuplać. Prašu pavialičyć kolkaść ekzemplaraŭ hetaj patrebnaj mnie haziety, jakija pastupajuć u hety kijosk.

Z pavahaj

Red.

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH