Nizki popyt na žyllo, jaki supravadžajecca padzieńniem koštaŭ, nazirajecca ŭ rehijonach Biełarusi. U abłasnych centrach krainy padzieńnie cen na kvatery skłała ŭ siarednim ad 5 da 10% pa vynikach 2010 hoda.
Ab hetym piša hazieta «Niedvižimosť Biełoruśsii», sa spasyłkaj na dadzienyja Nacyjanalnaha kadastravaha ahienctva RB.
Tak, na 19 studzienia 2011 hoda va ŭsich abłasnych centrach krainy ŭ 2010 hodzie ŭ paraŭnańni z 2009 hodam adbyłosia ahulnaje źnižeńnie kolkaści ŭhod z kvaterami na 7 da 15%.
Pa vynikach minułaha hoda košty na žyllo ŭ Breście ŭpali na 10% da 730 dalaraŭ za 1 kv. m. U Homieli padzieńnie skłała 17%, tut adnapakajovuju kvateru ŭ siarednim možna nabyć za $25 tys. dał U Hrodnie za minuły hod košty asieli na 5-10%, samaja tannaja kvatera ŭ «chruščoŭcy» abydziecca ŭ $22-23 tys. U Viciebsku košty skarektavanyja na 5%. U hetym horadzie adnapakajovuju kvateru staroj płaniroŭki možna nabyć u siarednim za $22-25 tys., a novaj płaniroŭki - za $30-34 tys.
Adznačym, što 70-75% usich uhod z žyllom u abłasnych haradach Biełarusi zaklučajecca z dapamohaj ryełtarskich kampanij.
