Padčas matča BATE — PSŽ čakajecca 15 hradusaŭ marozu 5

Pastupili ŭ prodaž bilety na matč 1/16 finału futbolnaj Lihi Jeŭropy pamiž barysaŭskim BATE i PSŽ (Francyja).

Kasy minskaha stadyjona «Dynama» adčyniacca siońnia, 4 lutaha, a 14-j, a barysaŭskaha haradskoha stadyjona i ofisa «ABFF-Padarožža» — a 15-j. U nastupnyja dni kasy buduć pačynać pracu z 10.00. Kasy minskaha stadyjona «Dynama» buduć pracavać da 19.00, barysaŭskaha haradskoha stadyjona — da 18.00, paviedamlaje aficyjny sajt barysaŭskaha kłuba.

Košt kvitkoŭ budzie zaležać ad katehoryi. Kvitki pieršaj katehoryi (siektary — 1, 2, 13, 14, 28, 29) buduć kaštavać 30 tysiač rubloŭ, druhi (3, 4, 12, 15, 26, 27) — 20 tysiač i treciaj (05–11, 16 — 25) — 10 tysiač.

U kasach minskaha stadyjona «Dynama» buduć pradavacca kvitki na nastupnyja siektary: 1 (ad 19-ha šerahu i vyšej), 7–27 (ad 12-ha šerahu i vyšej), 28–29 (ad 15-ha šerahu i vyšej). Kvitki na šerahi 01–11 ŭsich siektaraŭ nie drukavalisia i ŭ realizacyju pastupać nie buduć.

Matč BATE — PSŽ projdzie na minskim stadyjonie «Dynama» 17 lutaha (pačatak, a 20-j). Papiaredni prahnoz nadvorja na hety dzień -15 hradusaŭ marozu.

Nahadajem, što takaja tempieratura pavietra była 2 śniežnia, kali BATE prymaŭ kijeŭskaje «Dynama».

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH