\
Siońnia, na sajcie «Naša Niva» byŭ źmieščany 50-tysiačny artykuł.
Adlik viadziecca ad śniežnia 2005 h., kali na sajcie zapracavała stužka navinaŭ -- da taho času na sajt vystaŭlaŭsia tolki numar haziety.
Ideja ŭvieści rehularnuju stužku navinaŭ naležyć Andreju Kuźniečyku, jaki i byŭ pieršym veb-redaktaram sajta.
Ad 8 vieraśnia 2006 hoda sajt nn.by pierajšoŭ u samastojny štodzionny režym. Zaraz na im štodnia źjaŭlajecca bolš za 50 navinaŭ, paviedamleńniaŭ, artykułaŭ.
Za piać hadoŭ (z pačatku 2006 h.) kolkaść čytačoŭ vyrasła ŭ 150 razoŭ: u studzieni-lutym sajt štodnia naviedvali kala 100 čałaviek,. a zaraz siaredniaja naviedvalnaść (z vychodnymi), zhodna z Akavitaj, pieravyšaje 15 tys. unikalnych naviednikaŭ udzień. Partał źjaŭlajecca samym papularnym biełaruskim sajtam na biełaruskaj movie.
Na nastupny dzień paśla vybaraŭ, 20 śniežnia 2010 h., sajt sabraŭ rekord – bolš za 100 tys. unikalnych naviednikaŭ.
Kolkaść čytackich kamientaroŭ ciapier pieravyšaje 234 tys. (adlik viadziecca ad 8 vieraśnia 2006 h.)
