«Budu vučycca, udaskanalvać svaju zamiežnuju movu i razhladać prapanovy», — raskazaŭ pra svaje płany supracoŭnik ANT Siarhiej Darafiejeŭ paśla taho, jak straciŭ efir. Jahonyja pieradačy «Vybar» i «Vybar+" źnikli z prahramy pieradač kanała.
«Naša Niva» vyrašyła pacikavicca, ci moža adstaŭny viadučy raźličvać na pracu na adzinym biełaruskim niedziaržaŭnym kanale «Biełsat». Z takim pytańniem my źviarnulisia ŭ pres-słužbu telekanała.

«My nie hatovy prapanavać pracu Siarhieju Darafiejevu», — paviedamiŭ pres-sakratar Siarhiej Pialesa.

19 studzienia Siarhiej Darafiejeŭ pryznaŭ, što tok-šou «Vybar» nie vierniecca ŭ efir. «Ja vyjšaŭ z pazapłanavaha adpačynku. Siońnia ŭ mianie adbyłasia sustreča z kiraŭnictvam kanała, dzie byŭ paznačana koła maich abaviazkaŭ paśla efiru 19 śniežnia. Kiraŭnictva toj prahramaj zastałosia niezadavolena. Ja praciahvaju zastavacca dyrektaram dyrekcyi ranišniaha viaščańnia ANT.

Darafiejevu nie daravali šerahu pytańniaŭ da Lidzii Jarmošynaj u časie tok-šou «Vybar», pryśviečanaha vynikam prezidenckich vybaraŭ.

Jon spytaŭ u Jarmošynaj, ci bačyła jana rolik, u jakim u technikumie kuratarka adnoj z hrup patrabuje ad vučniaŭ źjavicca na daterminovaje hałasavańnie i ci źjaŭlajecca takaja situacyja parušeńniem zakanadaŭstva. «Tak, heta parušeńnie», — adkazała Jarmošyna. «Dyk značycca, vybary prajšli z parušeńniami?» — padłaviŭ jaje Darafiejeŭ. U vyniku Lidzija Jarmošyna demanstratyŭna pakinuła studyju.

Pieradača vyklikała asabistaje niezadavalnieńnie Alaksandra Łukašenki, jaki padčas pres-kanfierencyi nazvaŭ Darafiejeva «chłopčykam-žurnalistam, jakoha treba pastavić na miesca».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?