Supracoŭnik smalenskaha aeraporta ličyć dyśpietčaraŭ vinavatymi ŭ hibieli Kačynskaha 27

Jak rasijcu mnie soramna za łakuny ŭ raparcie MAK, — pryznaŭsia ŭ razmovie z žurnalistam «Haziety Vyborčaj» Alaksandr Karončyk, supracoŭnik smalenskaha aeraporta «Sieviernyj», były piłot vajennych źniščalnikaŭ.

Alaksandr Karončyk

Karončyk ličyć: dobra, što polskaja kamisija pa rasśledavańni katastrofy abnarodavała svaju viersiju pra apošnija siekundy palotu prezidenckaha Tu-154. I vielmi dobra, što źviarnuła ŭvahu na toj fakt, što smalenskaja vyška da apošniaj chviliny paćviardžała, što samalot lacić pravilna, choć heta było nie tak. Trajektoryja adchileńnia siahała niekalkich dziasiatkaŭ mietraŭ.

— Dyśpietčary musili abaviazkova papiaredzić pra heta ekipaž. Toje, što heta nie było zroblena, — najvialikšaja pamyłka suprauoŭnikaŭ aeraporta, — zaŭvažaje były rasijski piłot.

Nie viedaju, ci mahła b vyška pieraduchilić katastrofu, ale razbor faktaŭ i pamyłak musiŭ być źmieščany ŭ dakumientach, dzie adnaŭlajucca detali katastrofy 10 traŭnia.

Lotčyk, adnak zaŭvažyŭ, što prybory ŭ smalenskim aeraporcie «vielmi niedakładnyja», a ciaham apošniaj fazy palotu Tu-154 dyśpietčary viali jaho «praktyčna ŭślapuju». Na dumku Karončyka,

na apošnich chvilinach palotu dyśpietčary ličyli za lepšaje maŭčać, bo lubaja ichnaja kamanda mahła b potym być vykarystanaja suprać ich.

— Heta, na žal, najbolš raspaŭsiudžany sposab paźbiehnuć adkaznaści ŭ ekstremalnych situacyjach — padkreślivaje supracoŭnik smalenkaha aeraporta.

wiadomosci.gazeta.pl

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH