Na poli cudaŭ zastalisia my ŭdvoch
Ja dy… Usiomahutny Boh.
Naleva — zyrk, naprava — zyrk:
Suśviet haryć ahniami, niby cyrk,
Handluje metr, kryčyć aktor, hudziać mašyny,
Niasiecca šče adzin hieroj, zabyŭšysia na miny,
Usie pry spravie i nivodzin u žurbie.
Znajści b dzie-niebudź tut kryjuŭku dla siabie…
«Pajdzieš?» — «Pajdu» — «A moža pačakaješ?
Jašče hadok — žyćcia zusim nie znaješ…» —
«Ja…» — «Viedaju, i viedaŭ zahadzia,
Zarosła mocham rospačy ładździa,
Vaźmi što inšaje, padumaj, pryhadaj
Kab adlacieć kudy? U R-A-J»
«Ura» — maskalski klič», — skazaŭ. Asioksia. Prahłynuŭ.
«A naš — «Rubon» — i, jak prydurak łyč zamknuŭ.
Jon pahladzieŭ mnie ŭ vočy, a paśla — na les, paśla — znoŭ na mianie.
Ja zrazumieŭ, čym tut ciapier stajać, mnie ŭtapicca lepiej u łajnie…
«Prabačcie», — ja kažu. Jon uśmichnuŭsia — ja źbialeŭ.
«Chaciš iści — idzi!» — i schamianulisia dziesiatki dreŭ.
(Haspodź nie pavažaŭ litaraturnaj movy.)
«A… choć jakija tam umovy?»
Paśpieŭ spytać. Darma spytaŭ. Klanu siabie.
Usio lepšaje, vučyli mianie tak, stvarajecca ŭ baraćbie…
«Nie. Pačakaj. Pastoj tut. Rečy pry tabie?»
(Tut akurat mašyna praniasłaś — Pačobuta viaźli ŭ KDB.)
«Pry mnie» — «A viedaješ… Ja pazvaniu, trymaj!»
Raspluščyŭ vočy ja — u ruce kardonny pačak, napisana «Čaj».
Ja pahladzieŭ, ja azirnuŭsia, baču tolki panaramu:
Načnoje pole, na ŭzbočynie ahni, ekrany
Tam šou: Iryna Darafiejeva, Zimoŭski, «RockerJoker».
Voś toŭsty dziadźka ź viertykali, kažuć, «połupokier»
Pajdu… šukać darohu, dy adkazy na pytańni «Što? Dzie? Jak?»
Ja pamalusia za siabroŭ dy… pačak pakładu ŭ placak.

* * *

Aleś Kirkievič žyvie ŭ Hrodnie. Kirkieviča dvojčy sudzili za apošni miesiac — za ŭdzieł u Płoščy ŭ Minsku i za «arhanizacyju niesankcyjanavanaha mitynhu» ŭ časie pieradvybarnaj sustrečy sa Statkievičam 16 śniežnia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?