Litva nie błakuje prapanovu ES iznoŭ uvieści vizavyja abmiežavańni pradstaŭnikam ułady Biełarusi, zajaviŭ 14 studzienia pres-sakratar prezidenta Litvy Dali Hrybaŭskajcie Linas Balsis.

«Litva nie błakuje sankcyi suprać Biełarusi. Litva ličyć, što vizavyja abmiežavańni pavinnyja prymianiacca ŭ adnosinach da metavaj hrupy pradstaŭnikoŭ Biełarusi, ale nie da ŭsich žycharoŭ hetaj krainy», — skazaŭ Balsis. Pra heta pieradajuć litoŭskija infarmacyjnyja ahienctvy.

Pa jahonych słovach, Litva prytrymlivajecca dumki, što nielha izalavać usich hramadzian Biełarusi, tamu prapanuje JEZ spraścić vizavy režym, pieradaje Delfi.

«Sankcyi nie pavinnyja datyčycca ŭsich hramadzian Biełarusi. Prezident ličyć, što Litva nie pavinnaja izalavać Biełaruś, tamu napisała list prezidentu Jeŭrapiejskaha Źviaza Hiermanu Van Rampieju i staršyni Jeŭrapiejskaj kamisii Žaze Manuełu Barozu z zaklikam palehčyć vizavy režym dla hramadzian Biełarusi, kab jany mahli tańniej i praściej atrymlivać vizy, na lepšych umovach traplać u Šenhienskuju prastoru «, — skazaŭ pradstaŭnik prezidenta.

U apošni čas niekatoryja ŚMI, abapirajučysia na ananimnyja krynicy, paviedamili, što padčas pieramovaŭ ŭnutry JEZ Litva, Łatvija i Italija bajkatujuć sankcyi suprać Biełarusi. Pra heta ŭ intervju BNS skazaŭ i ahladalnik brytanskaha štotydniovika The Economist Edvard Łukas.

Adzin litoŭski čynoŭnik nazvaŭ takija razmovy «śviadomaj chłuśnioj», meta jakoj — dyskredytacyja Litvy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?