MZS Polščy nazvaŭ «dramatyčnymi, prapahandysckimi, nabližanymi da absurdu namahańniami» zajavy haziety «Sovietskaja Biełoruśsija» ab zmovie polskich i niamieckich specsłužbaŭ, jakija pryviali da postvybarčych padziej 19 śniežnia ŭ Minsku.

«Havaryć pra zmovu prosta absurdna. Adkul uziacca zmovie, kali ministr Radasłaŭ Sikorski sustreŭsia z usimi kandydatami na pasadu prezidenta Biełarusi: Łukašenkam, Niaklajevym i inšymi kandydatami», — skazaŭ pres-sakratar MZS Polščy Marcin Basacki 14 studzienia žurnalistam u Madrydzie. Jon padkreśliŭ, što Polšča maje namier pa dypłamatyčnych kanałach «vykazać ćviordy i kateharyčny pratest hetaj biesprecedentnaha i absurdnaha napadu ŭ presie».

Kamientujučy hetuju publikacyju ŭ biełaruskaj haziecie, polskaje ŭpłyvovaje vydańnie Rzeczpospolita adznačaje, što, «u cełym, pazityŭnym źjaŭlajecca toj fakt, što Łukašenku patrebnyja niejkija teoryi zmovy». «Heta źjaŭlajecca paćviardžeńniem taho, što jon nie adčuvaje rašučaj padtrymki z boku svajho naroda. Heta značyć, jaho prybili sapraŭdnyja vyniki vybaraŭ 19 śniežnia», — piša hazieta. Rzeczpospolita taksama znachodzić vielmi zajmalnym toj fakt, što «tolki ciapier stała viadoma, što hałoŭny apanient Łukašenki Uładzimir Niaklajeŭ byŭ na łancužku Bierlina i Varšavy, bo da vybaraŭ jon byŭ pradstaŭleny ŭ jakaści čałavieka Maskvy. Dy jašče byŭ źbity KDB mienavita jak prarasiejski kandydat».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?