Druhaja častka artykuła pryśviečana pieravažna padziejam 19 śniežnia 2010 hoda.
Praŭda, spačatku publikujucca praciahłyja instrukcyi pa pieravozie hrošaj praź miažu. Niajasna, čyje i kim sfarmulavanyja.

Jak i ŭ pieršaj častcy artykuła, u druhoj tak i nie publikujecca źviestak, adkul ža kampanija «Havary praŭdu» atrymała pieršasnaje finansavańnie — hetaja tema pakrytaja morakam. Miž tym heta dziŭnaja fihura zmaŭčańnia dla takoha materyjału, jaki pretenduje na rasśledavańnie.

Zatoje istotnaja častka druhoha vypusku artykuła pryśviečana pavodzinam zachodnich dypłamataŭ u časie vybaraŭ. Pravodzicca dumka, što pasoł Šviecyi Stefan Eryksan braŭ asabliva aktyŭny ŭdzieł u padziejach.

Pryvodzicca karotkaja chranałohija padziej na Płoščy 19 śniežnia, niekalki ŭryŭkaŭ z padsłuchanych telefonnych razmovaŭ ci taho, što vydajecca za takija razmovy.

Voś prykład takich razmovaŭ, jakija vyhladajuć absalutna niepraŭdapadobnymi: «Nieposriedstvienno nakanunie akcii protiesta P.Sievieriniec v obŝienii s aktivistami BCHD i MF nastojčivo triebovał pribyť na akciju «płoŝad́» s łomikami, čtoby «vykovyrivať plitku i zabrasyvať OMON». Cikava, što ŭ nibyta razdrukoŭcy razmovy Sieviaryniec užyvaje słova "karoča", choć pa-biełarusku budzie "karaciej", a Sieviaryniec viadomy tym, što nikoli nie pierachodzić na trasianku.

Havorycca, što z Ukrainy nibyta sprabavali vieźci nažy, a ź Litvy — 7000 doz narkotykaŭ.

Urešcie, publikujecca śpis «udzielnikaŭ biesparadkaŭ».

Papiaredniaja publikacyja ŭtrymlivała šerah adkraviennych falšyvak. Naprykład, červieński prajekt cienievaha ŭrada BCHD vydavaŭsia za mifičny «ŭrad nacyjanalnaha vyratavańnia».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?