U Minsku pačynaje pracavać śpiecyjalizavany telekanał «Žest» dla ludziej z parušeńniami słychu. Kanał zasnavany Biełaruskim tavarystvam hłuchich.

Jak paviedamiŭ namieśnik staršyni centralnaha praŭleńnia tavarystva Anatol Nikicin, zaraz kanał prachodzić finalnuju stadyju testavańnia. Płanujecca, što viaščańnie ŭ poŭnym abjomie pačniecca 9–10 studzienia.

Pavodle jaho słoŭ, sietka viaščańnia telekanała «Žest» uklučaje infarmacyjnyja, kulturna-aśvietnickija, adukacyjnyja i zabaŭlalnyja prahramy, jakija tranślujucca z subtytrami. Finansavańnie kanała ažyćciaŭlajecca za košt srodkaŭ arhanizacyi, a taksama achviaravańniaŭ dobraachvotnikaŭ.

Jak paviedamiŭ Nikicin, u Biełarusi prykładna 15 tys. invalidaŭ z parušeńniami słychu. Razam z tym, ludziej, jakija pakutujuć na roznyja parušeńni słychu, pavodle acenki miedykaŭ, naličvajecca kala 370 tys. U płanach arhanizacyi — pašyryć viaščańnie telekanała na inšyja harady i vyjści za miežy Biełarusi.

Jak paviedamiła BiełaPAN pres-sakratar AAT «Minskija televizijnyja sietki» Natalla Jafimkina, letaś pradpryjemstva pravodziła testavuju tranślacyju kanała «Žest» — prahramy vychodzili nievialikimi błokami. Pavodle jaje słoŭ, testavańnie pakazała, što kanał zapatrabavany hledačami. Tranślujucca prahramy na častacie 615, 25 MHc na 39-m kanale. Čas viaščańnia — z 8.00 da 0.00. Kanał dastupny ŭ pašyranym pakiecie teleprahram AAT «MTIS» biez pavieličeńnia abanienckaj płaty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?