Taryf na tranzit naftapraduktaŭ pa terytoryi Biełarusi z Rasii pavyšajecca na 2,5%.
Z 1 studzienia 2011 hoda jon składaje 1,64 dołara za tonu, pieramieščanuju na 100 kiłamietraŭ, paviedamlaje pres-słužba Ministerstva ekanomiki.

Heta praduhledžana pastanovaj Ministerstva ekanomiki Biełarusi № 157 ad 1 listapada 2009 hoda «Ab taryfie na pasłuhi pa transparciroŭcy naftapraduktaŭ pa mahistralnych naftapraduktapravodach, raźmieščanych na terytoryi Respubliki Biełaruś».

Pastanova pryniata ŭ adpaviednaści z pahadnieńniem pamiž uradami Biełarusi i Rasii ab uzajemadziejańni pry ekspłuatacyi mahistralnych naftapraduktapravodaŭ, raźmieščanych na biełaruskaj terytoryi, ad 8 červienia 2004 hoda.

Apošni raz taryf na tranzit naftapraduktaŭ u Biełarusi pavyšaŭsia 1 lipienia 2010 hoda na 12,7% — z 1,42 da 1,60 dołara za tonu na 100 kiłamietraŭ.

Transparciroŭku rasijskich naftapraduktaŭ pa terytoryi Biełarusi ažyćciaŭlaje «Zachad-Transnaftapradukt» (daččynaje pradpryjemstva rasijskaj AK «Tranśniefciepradukt»).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?