Na dumku Aleny Tankačovaj, paśla vykradańnia Niaklajeva doktar Sirenka źmianiŭ dyjahnaz na lahčejšy.

 Viktar Sirenka.

Viktar Sirenka.

«Tak vyjšła, što ŭ noč z 19 na 20 śniežnia ja apynułasia ŭ Balnicy chutkaj dapamohi dvojčy, — piša ŭ svaim błohu pravaabaronca, kiraŭnica Centra pravavoj transfarmacyi Alena Tankačova. — Prykładna ŭ 0.10 ja vyrašyła patelefanavać Volzie Niaklajevaj i spytać ab stanie zdaroŭja Uładzimira Niaklajeva. Volha skazała, što jany ŭ Balnicy chutkaj dapamohi, apisała situacyju i ja vyrašała, što zajdu jaje padtrymać pierad tym, jak iści dadomu i pabaču, ci treba kupić lekaŭ, pryvieźci nieabchodnyja rečy. Moj dom zusim pobač z hetaj balnicaj.

Ja pacisnuła Niaklajevu ruku, pieraprasiła dvuch daktaroŭ, jakija byli ŭ pałacie. Prapanavała Volzie pajści da mianie načavać. Volha skazała, što nie sydzie z balnicy i što daktary rekamiendujuć zastavacca dla dadatkovych daśledavańniaŭ.

Spytała lekaraŭ, što treba ź miedykamientaŭ. Jany adkazali — usio jość! I dadali: kali jość mahčymaść ich pakarmić — budzie dobra.

Ja łamanulisia dadomu hatavać ježu.

Chvilin praz 15 pieratelefanavała Volha, skazała, što ŭ pałatu ŭvarvalisia ludzi, Niaklajeva pavieźli, a jana ciapier u hałoŭurača i paprasiła pryjści.

Ja łamanułasia nazad u balnicu.

Kali ja prybiehła, hałoŭny ŭrač, jon vypisvaŭ joj daviedku ab stanie Niaklajeva.

Jany vyjšli. Volha skazała, što vyklikała milicyju i my pavinny jaje čakać. Viadoma, čakać! Ale narad nie jechaŭ. Hałoŭny lekar vynies Volzie daviedku (vypisku), i ja paprasiła jaho vyklikać milicyju.

Ja paprasiła hałoŭnaha lekara balnicy (słužbovaja asoba) vyklikać narad milicyi, kab zafiksavać fakt «hvałtoŭnaha vyvazu» Niaklajeva z reanimacyjnaha adździaleńnia balnicy. Sirenka Viktar Ivanavič (hałoŭny ŭrač), hledziačy mnie ŭ vočy, skazaŭ: «Davajcie zaŭtra heta abmiarkujem».

U hety čas Volha pračytała vypisku i nie vyjaviła tam ŭkazańnia na čerapna-mazhavuju traŭmu, ź jakoj Niaklajeva špitalizavali. Ja prapanavała Volzie prasić źniać kopii z materyjałaŭ, pa jakich Niaklajeva špitalizavali. Jana pajšła — joj admovili.

Paśla nam patelefanavali kalehi i skazali, što aficyjna daviedka balnicy ŭžo daje infarmacyju ab tym, što Niaklajeŭ u 0.40 vypisany ź lakarni i syšoŭ svaimi nahami. I ja ŭspomniła pryhožaha hałoŭurača — vysoki, siarednich hadoŭ, impazantny, spakojnyja vočy… U reanimacyjnaje adździaleńnie ŭryvajecca bryhada «ŭ štackim“ i pa padłozie, zaharnuŭšy ŭ koŭdru, vyciahvaje chvoraha z čerapna-mazhavoj traŭmaj. Chvoraha, jakomu hałoŭny lekar nastojliva raiŭ zastacca ŭ špitali i pravieści dadatkovaje abśledavańnie praz 12 hadzin.

Volha Niaklajeva spakojna i ćviorda apisała ŭsio supracoŭnikam Kastryčnickaha RUUS, jakija prybyli ŭ balnicu paśla 4-ha telefanavann: «Uvieś čas u pałacie znachodziłasia miedycynskaja siastra, pastajanna zachodziŭ hałoŭny urač. Prykładna ŭ 0.20 miedsiastra skazała, što Niaklajevu treba adpačyć, vyklučyła śviatło i vyjšła. Za paru chvilin da taho ŭ pałatu ŭvachodziła inšaja supracoŭnica balnicy i jany cicha pahavaryli. Praź niekalki chvilin paśla taho, jak miedpiersanał vyjšaŭ, u ciomnuju pałatu ŭvarvalisia prykładna 7 čałaviek u štackim».

Volhu Niaklajevu adcisnuli da ściany, jana stała kryčać i zvać na dapamohu. Niaklajeva ściahnuli z łožka, zaharnuli ŭ koŭdru, u čym jon byŭ u reanimacyjnaj pałacie, i pa padłozie pavałakli. Volhu zamknuli ŭ pałacie. Jany paklikali milicyjanta ŭ formie, jaki ŭ špitali paradak achoŭvaje i zahadali jamu padziažuryć kala dźviarej i, paśla taho, «jak žančyna supakoicca, vypuścić jaje». Milicyjant «zastupiŭ na pasadu», dačakaŭsia, pakul ludzi ŭ cyvilnym źjeduć i adamknuŭ pałatu.

Uranku pa bieł. televizary pakazvali Sirenku Viktara Ivanaviča, jaki ź lohkaj uśmieškaj kazaŭ, što zusim lohkija traŭmy byli ŭ Niaklajeva».

Jak śviedčać krynicy «Našaj Nivy» ŭ Balnicy chutkaj dapamohi, Niaklajevu sapraŭdy było praviedzienaje daskanalnaje abśledavańnie, u tym liku tamahrafija. Pahrozy žyćciu nie było vyjaŭlena.

Adnak z apaviadańnia Aleny Tankačovaj vynikaje, što doktar Sirenka, jak najmienš, parušyŭ normy miedycynskaj etyki i nijak nie pieraškadžaŭ vyvazu chvoraha z balnicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?