Na aficyjnym sajcie kiraŭnika Rasii ni słova pra vinšavańni dla Łukašenki.

25 śniežnia pres-słužba Alaksandra Łukašenki raspaŭsiudziła paviedamleńnie pra vinšavańnie prezidenta Rasii Dźmitryja Miadźviedzieva ź pieramohaj na prezidenckich vybarach. Pry hetym, u paviedamleńni pryvodzicca ŭsiaho adzin skaz: «Žadaju Vam pośpiechaŭ, a brackamu biełaruskamu narodu – miru i kvitnieńnia». Navinu rastyražavała BIEŁTA, jakoje taksama abmiežavałasia ŭsio tym ža adnym skazam. Z suchoha paviedamleńnia absalutna nie zrazumieła, jakim čynam było zroblena vinšavańnie – pa telefonie, ci dasłanaje telehramaj.

U toj samy dzień ahienctva «Russkaja słužba novostiej» spačatku abvierhła pres-słužbu Łukašenki pra atrymanaje vinšavańnie, a potym apublikavała paćvierdžańnie faktu vinšavańnia ad pres-słužby Miadźviedzieva.

A ciapier zazirniem na aficyjny sajt kiraŭnika Rasii, kab pašukać tut infarmacyju pra vinšavańnie Łukašenku. Apošnija z prezidentaŭ, kamu telefanavaŭ Dźmitryj Miadźviedzieŭ, byli Nikala Sarkazai dy Ilcham Alijeŭ. Było heta 24 śniežnia. Kali vieryć sajtu Miadźviedzieva, pa telefonie Alaksandra Ryhoraviča jon nie vinšavaŭ. A kali i vinšavaŭ, to na sajcie pra heta ci zabyli napisać, ci moža pasaromielisia.

U raździele «vinšavańni» apošniaj, kaho pavinšavaŭ Miadźviedzieŭ, značycca artystka teatru i kino Iryna Sakałova, jakuju prezident RF pavinšavaŭ 24 śniežnia. 25 śniežnia, zhodna sajta, Miadźviedzieŭ nie vinšavaŭ nikoha. Toje samaje vinšavańnie Sakałovaj – apošniaje siarod paviedamleńniaŭ i ŭ raździele «telehramy» (Značyć, nie telehramaj było dasłanaje pažadańnie «pośpiechaŭ, miru i kvitnieńnia»?). U raździele «vitańni» apošniaje abnaŭleńnie zroblena 17 śniežnia – prezident Miadźviedzieŭ pryvitaŭ udzielnikaŭ i haściej Mižnarodnaj kanfierencyi «Śviet biez nacyzmu – hłabalnaja zadača ŭsiaho čałaviectva».

Niama ni słoŭca pra vinšavańnie biełaruskamu kalehu i ŭ raździele «Zajavy pa najvažniejšych pytańniach».

Nie sakret, što kiraŭnik Rasii aktyŭna karystajecca sacyjalnymi sietkami. U pryvatnaści, jon maje akaunt u tvitery. Ale i tam apošni dopis, zrobleny 25 śniežnia, pryśviečany zusim nie vinšavańniu aficyjnamu Minsku. Niama vinšavańnia i na błohu Miadźviedzieva ŭ ŽŽ. Kali vinšavańnie ŭsio ž było, to čaho tak saromiejecca Dźmitryj Anatolvič?

Nahadajem, što svaje vinšavańni na adras aficyjnaha Minska adnymi ź pieršych dasłali kiraŭniki Armienii, Hruzii, Vieniesueły, Indyi, Irana, Kazachstana, Kitaja, Tadžykistana, Turkmienistana, Uźbiekistana. Kiraŭnik Ukrainy Viktar Janukovič ad vinšavańniaŭ pakul ustrymaŭsia.

Svoj vierdykt vyniesła ABSIE: Vybary ŭ Biełarusi nie byli ni svabodnymi, ni demakratyčnymi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?