Rasśledavańnie kryminalnaj spravy pa fakcie hibieli ŭ DTZ člena-karespandenta Nacyjanalnaj akademii navuk Biełarusi i hramadskaha dziejača Ivana Nikitčanki moža pradoŭžycca da dvuch miesiacaŭ, a pry nieabchodnaści — da troch,

paviedamiŭ načalnik adździaleńnia ahitacyi i prapahandy UDAI UUS Minabłvykankama Aleh Ciuryn.

Sprava pa častcy 2 artykuła 317 Kryminalnaha kodeksa (parušeńnie praviłaŭ darožnaha ruchu, jakoje paciahnuła pa nieaściarožnaści śmierć čałavieka) była raspačata 22 listapada ŭ Maładziečanskim RAUS Minskaj vobłaści. Padrabiaznaści rasśledavańnia nie paviedamlajucca.

71-hadovy Ivan Nikitčanka pamior u noč na 20 listapada ŭ Maładziečanskaj haradskoj balnicy, kudy byŭ dastaŭleny paśla DTZ na aŭtadarozie Minsk — Maładziečna — Narač. Pavodle viersii milicyi, aŭtamabil, za rulom jakoha znachodziŭsia vučony, vyjechaŭ na pałasu sustrečnaha ruchu, dzie sutyknuŭsia z hruzavikom «ZiŁ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?