Z pačatku 2010 hoda kolkaść nasielnictva Biełarusi źmienšyłasia na 16,9 tysiačy.

Na 1 śniežnia ŭ krainie pražyvała 9 młn. 483,1 tys. čałaviek, paviedamlaje Biełstat sa spasyłkaj na papiarednija vyniki pierapisu nasielnictva 2009 hoda i danyja biahučaha ŭliku.

Skaračeńnie kolkaści nasielnictva abumoŭlena pieravyšeńniem na 26.125 čałaviek liku pamierłych nad likam narodžanych pry dadatnym mihracyjnym pryroście 9.229 čałaviek.

U Minsku za 11 miesiacaŭ kolkaść nasielnictva pavialičyłasia z 1 młn. 843,7 tys. da 1 młn. 861,8 tys., u toj čas jak u astatnich rehijonach krainy hety pakazčyk źniziŭsia.

U pryvatnaści, u Homielskaj vobłaści na 1 śniežnia naličvałasia 1 młn. 435,5 tys. žycharoŭ (na 1 studzienia 2010 hoda — 1 młn. 439,2 tys.); u Minskaj — 1 młn. 412,4 tys. (1 młn. 419,9 tys.); u Bresckaj — 1 młn. 395,3 tys. (1 młn. 399,2 tys.); u Viciebskaj — 1 młn. 222,5 tys. (1 młn. 229,4 tys.); u Mahiloŭskaj — 1 młn. 89,1 tys. (1 młn. 97,3 tys.); u Hrodzienskaj — 1 młn. 66,5 tys. (1 młn. 71,3 tys.).

Za studzień-listapad u Biełarusi naradziłasia 98.992 dziciaci (na 1.712 mienš u paraŭnańni z takim ža pieryjadam 2009 hoda), pamierła 125.117 čałaviek (na 2.154 bolš).

Za hety ž pieryjad u krainu prybyło 14.034 čałavieki, vyjechała 5.642.

Kolkaść zarehistravanych šlubaŭ skaraciłasia na 1,3% (da 74.558), skasavańniaŭ šlubu — pavialičyłasia na 4,2% (32.718). Na tysiaču šlubaŭ prypadaje 439 razvodaŭ, u toj čas jak za anałahičny pieryjad 2009 hoda — 416.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?