Kiraŭnik MZS Švecyi Karł Bilt vystupiŭ z rezkaj krytykaj žorstkich napadaŭ biełaruskich uładaŭ na demanstrantaŭ u Miensku i zaklikaŭ Zachad da adpaviednaj reakcyi.
U interviju švedzkamu radyjo — Sveriges Radio — Bilt adznačyŭ, što spadziajecca na adpaviednuju reakcyju, navat niahledziačy na toje, što rasiejski prezydent Miadźviedzieŭ nazvaŭ padziei 19 śniežnia «ŭnutranymi spravami Biełarusi».
Pavodle Karła Bilta, «vyniki vybaraŭ nia majuć demakratyčnaj lehitymnaści». Kiraŭnik zamiežnapalityčnaha viedamstva Švecyi adznačyŭ mahčymaści manipulavańnia hałasami vybarcaŭ z boku ŭładaŭ i spasłaŭsia na materyjały ABSE, zhodna ź jakimi na pałovie vybarčych učastkaŭ padlik hałasoŭ byŭ drenny abo vielmi drenny.
Švedzki ministar taksama asudziŭ praźmiernaje vykarystańnie siły biełaruskimi ŭładami ŭ noč na
«My patrabujem nieadkładnaha vyzvaleńnia lideraŭ apazycyi i inšych, jakija byli aryštavanyja bieź nijakich na toje padstavaŭ», padkreśliŭ ministar.
Karł Bilt dadaŭ, što Stakholm, a taksama Brusel i Vašynhton pavinny vielmi vyrazna nahadać Miensku, što jahonaja dziejnaść nijak nie adpaviadaje ŭziatym im na siabie mižnarodnym abaviazańniam pavažać pravy čałavieka.
